Luka 4:2 - Baibuli Ekibono kya Katonda 2014

² yaamala enaku amakumi ana (40) Sitaani ng'amukema. Mu nnaku edho tiyalya ku kantu koonakoona, era bwe dhaawaaku endhala yaamuluma.

Luka 4:2 ပူးပေါင်းရင်းမြစ်များ

Amainhama 3:15

Ndidha kutaagho enzigu ghagati wo n'omukazi, ni ghagati gh'eizaire lyo n'eizaire ery'omukazi. Eizaire ery'omukazi eryo liidha kukubanga omutwe ligutentene, era weena oidha kulimoodhanga ebigere.”

1 Bakyabazinga 19:8

Eliya yaasituka yaalya era yaanhwa. Eby'okulya ebyo byamugha amaani, yaatambula enaku amakumi ana (40) omusana n'obwire, yaatuuka ku Sinai olusozi lwa Katonda.

Okuvaayo 24:18

Musa yaaniina ku lusozi ghaigulu, yangira mu kire era yaaba okwo okumala enaku amakumi ana omusana n'obwire.

Okuvaayo 34:28

Kale Musa yaaghandiika ebibono eby'endagaano, amateeka eikumi, ku bibaadho eby'amabaale. Yaaba eyo ni Musengwa Katonda okumala enaku amakumi ana omusana n'obwire, era nga talya mere waire okunhwa amaadhi.

Yona 3:7

Era yaalangirira mu biketezo byonabyona eby'e Nineve ng'akoba ati: “Kino kiragiro okuva ye kyabazinga n'abakungu be, ekikoba kiti, ‘Ghatabaagho muntu yeenayeena alya oba anhwa kintu kyonakyona, oba okuganha ekisolo kyonakyona eky'omuntu okulya oba okunhwa.

Matayo 21:18

Ku nkyo Yesu bwe yali ali kwira mu kibuga, endhala yaamuluma.

Matayo 4:2

Bwe yamala okusiiba enaku amakumi ana (40), omusana n'obwire, endhala yaamuluma.

Luka 4:3

Sitaani yaamukoba ati: “Oba nga oli Mwana wa Katonda, koba eibaale lino lifuuke omugaati.”

Yoanne 4:6

Agho n'aghaali ensulo eyali emanhiibwa nga ensulo ya Yakobo. Kale Yesu eyali akooye n'olugendo yaatyama agho ku nsulo. Esaawa dhaali nga mukaaga.

Amateeka Agokubiri 9:18

Neeyala ku itaka nga neefundiike mu maiso ga Musengwa Katonda, nga bwe nali mmaze okukola mu kusooka. Naamala enaku amakumi ana, omusana n'obwire, nga tirya mere waire okunhwa amaadhi. Kuba mwali nga mukoze ekibi mwasungughaza Musengwa Katonda.

Amateeka Agokubiri 9:25

“Kale neeyala ku itaka nga neefundiike mu maiso ga Musengwa Katonda okumala enaku edho amakumi ana, omusana n'obwire, kuba Musengwa Katonda yali ankobye ati aja kubazikiriza.

Amateeka Agokubiri 9:9

Nze naniina olusozi okugheebwa ebibaadho eby'amabaale ebyaghandiikibwaku endagaano Musengwa Katonda ye yakola n'imwe. Naasigalayo okumala enaku amakumi ana, omusana n'obwire, nga tirya mere waire okunhwa amaadhi.

Abaheburayi 2:18

Era mperaano asobola okubeera abo abalebwa, kuba mwene yalebwa era yaadaazibwadaazibwa.

Abaheburayi 4:15

Omukulu wa Bakabona oyo ye tuli naye, n'oyo afaayo okutusaasira mu bunafu bwaife, era n'oyo eyalebwa mu buli nsambo ng'oti niife bwe tulebwa aye n'atakola kibi kyonakyona.

1 Samueli 17:16

Omufilisiti oyo yaidhanga buli lunaku, enkyo n'eigulo, yaasonsoonianga Abaisiraeli okumala enaku amakumi ana.