Luka 4:18 - Baibuli Ekibono kya Katonda 2014

¹⁸ “Omwoyo gwa Musengwa gundiku, kuba yansiiga omuzigo okukobera abaavu Amawulire Amalungi. Yantuma okukobera abasibe nti baidha kulekulwa, n'abatulu nti baidha kubona. Era yantuma okuwonia abo abatuntuzibwa,

Luka 4:18 ပူးပေါင်းရင်းမြစ်များ

Amainhama 3:15

Ndidha kutaagho enzigu ghagati wo n'omukazi, ni ghagati gh'eizaire lyo n'eizaire ery'omukazi. Eizaire ery'omukazi eryo liidha kukubanga omutwe ligutentene, era weena oidha kulimoodhanga ebigere.”

2 Ebyomubyanda 34:27

weeneniiza era weewombeeka mu maiso gange. Era okanwiremu ebivaalo byo olw'okunakughala era waalira amaziga, bw'owuliire ebibono bye nayogera ku kifo kino ni ku bantu abakibaamu. Kale ni mpuliire okusaba kwo.

Zabbuli 102:20

Yawulira okusinda okw'abasibe abali mu ikomera, yaasibula abo abaali balindiriire okwitibwa obwitibwe.

Zabbuli 147:3

Abo abawoiremu amaani abaizaamu amaani, yaasiba ebighero ku mabwa gaibwe.

Zabbuli 2:2

Bakyabazinga ab'oku nsi baafungiza, n'abafuzi baibwe beeteesa, badheemere Musengwa Katonda ni kyabazinga ye yasiiga omuzigo.

Zabbuli 2:6

ati: “Kyabazinga wange ye nalonda, namuta ku lusozi lwange olutukuvu Sioni.”

Zabbuli 34:18

Abo abawoiremu amaani, Musengwa Katonda tabasuulirira, era alokola abo abaweireiremu irala eisuubi.

Zabbuli 45:7

Ogonza ebikolwa ebituufu, waakyagha ebikolwa ebibi. Kyova Katonda, Katonda Oyo owuwo, yakusiiga omuzigo mu isanhu okusinga abantu abandi boonaboona.

Zabbuli 51:17

Omusengo gw'osiima, n'omwoyo ogumenheike, Wo Katonda wange, omwoyo ogweneniiza era ogubonereire toligugaya naire.

Isaia 32:3

Amaiso gaibwe galibonanga ebizibu by'abantu, n'amatu gaibwe gaawulirisanga ebibaluma.

Isaia 35:5

Olwo amaiso g'abatulu galizibuka, n'amatu g'abasigha gairamu okuwulira.

Isaia 42:7

Olizibula abatulu amaiso, waatoola abasibe mu makomera, waabawonia okubanga mu nzikiiza.

Isaia 45:13

Ninze nasiikuula Kuro naamuleetera okuja okutereeza ebyali byonooneike. Era ndidha kuleeteranga by'akola byonabyona okuja obukalamu. Alizimba buyaaka ekibuga kyange Yerusalemu, era yaaleetera abantu bange okuva mu bunhage. Ekyo alikikola aghazira muntu kumugulirira waire okumugha empeera.” Musengwa Katonda Afuga Amagye, n'akobye.

Isaia 49:9

Olikoba abasibe oti, ‘Mufulume eikomera, buti muli ba idembe,’ n'abo abali mu nzikiiza oti, ‘Muve mu nzikiiza, mwire mu butangaavu.’ Baliba ng'oti n'entaama edhifuna kye dhirya ku ngira kwe dhibita obubite, era ni dhiba n'eisubi ghaigulu ku nsozi edhitaabangaku kantu.

Isaia 50:4

Musengwa Katonda andhegereisa bye nnaayogera, bisobole okwiza amaani mu muntu akooye. Katonda oyo anzuusa buli kaakyeire yampa amaani, ag'okuwulira by'aba aja okundhegeresa.

Isaia 57:15

“Ninze Katonda Omutukuvu aligho ebyanda n'ebyanda, aswikiriire ebintu byonabyona. Mba mu kifo ekiri ghaigulu era ekitukuvu. Aye era mba ni mu bantu abawombeefu era abeenenia, nsobole okubaizaamu omwoyo n'eisuubi.

Isaia 59:21

Nkoze n'imwe endagaano, era mbaghaire obuyinza bwange n'endhegeresa yange, bibenga byaimwe buliidho. Era okuva ni mpegaano mwidha kungonderanga era mwegeresenga abaana baimwe okumpuliranga ebyanda n'ebyanda.”

Isaia 61:1

Omwoyo gwa Musengwa Katonda gundiku, kuba yansiiga omuzigo, yantuma okukobera abadaazibwadaazibwa amawulire amalungi. Yantuma okugumya abaawaamu emyoyo, n'okulangirira eri abali mu bunhage nti baidha kulekulwa babe ba idembe, n'abasibe nti baidha kusibulwa mu ikomera.

Isaia 66:2

Ebintu byonabyona ninze nabikola n'engalo dhange. Kale byonabyona byange. Aye omuntu ye nsangaalira n'oyo omuwombeefu era eyeeneniiza, antaamu ekitiisa era n'akola bye ndagira.”

Ezekieli 9:4

Musengwa Katonda yaamukoba ati: “Ja ng'obita mu kibuga Yerusalemu, ote obumanhiso ku byeni by'abo abawulira enaku n'obulumi olw'ebyenhinhalwa byonabyona ebikolerwa mu kibuga ekyo.”

Danieli 9:24

“Katonda yalagira ekiseera kya myaka nsanvu emikuzi musanvu ku bantu bo ni ku kibuga kyo ekitukuvu, memale okwonoona kukomezebwe, n'okukola ebibi kuweegho. Olwo ebyonoono bisoniyibwe, ghairegho okukola amazima ebyanda n'ebyanda, n'okubonekerwa n'obulanzi bituukirizibwe, era n'eisinzizo eitukuvu liiremu okutukuzibwa.

Zefania 3:12

Be ndirekagho mu imwe, n'abo abawombeefu n'abaavu abanaidhanga okunsaba okubeerwa.

Zekaria 11:11

Kale endagaano eyo yaasazibwamu ku lunaku olwo. Era abo abaasuubulanga entaama baali agho nga baaningiriire, baategeera nga Musengwa Katonda n'eyali ali kwogerera mu ekyo kye nakola.

Malaki 4:2

Aye imwe abantaamu ekitiisa, ndireetera amaani gange agalokola okuvaayo, gaababuna ng'oti butangaavu obuva ku ndhuba erimu ekiwonia. Muliba ba idembe, mwaja nga mumaduka ng'oti bunhana buva mu kigo.

Matayo 11:5

Abatulu babona, abalema batambula, abali n'endwaire ey'ebigenge balongooka, abaasemba amatu bawulira, abafu bazuukizibwa, n'abaavu bakoberwa Amawulire Amalungi.

Matayo 12:18

“Ono n'omugheereza wange ye nalonda omugonzi, omwoyo gwange mwe gusagambira. Ndidha kumutaamu Mwoyo wange, akobere amaghanga eby'amazima.

Matayo 12:20

Olugada oluvuniike talirukutulamu, n'olutambi olunioka taliruzikiza, okutuusa ng'atuusiiza amazima ku bughanguzi.

Matayo 4:16

Abantu abaabanga mu kizikiiza baboine obutangaavu obunene. N'abo ababaire mu nsi ey'olumbe n'ekinsense kyayo, ekimulika kibaakiire.”

Matayo 5:3

“Ba nkabi abaavu mu mwoyo, kuba Obwakyabazinga obw'omu igulu bwaibwe.

Luka 4:17

Baamugha ekitabo. Bwe yakiwumbulula yaatuuka aghaaghandiikibwa bino:

Luka 6:20

Yesu yaalingirira Abeegeresebwa be yaakoba ati: “Muli ba nkabi abaavu, kuba Obwakyabazinga bwa Katonda bwaimwe.

Luka 7:22

Agho yaabairamu yaabakoba ati: “Muje mukobere Yoanne bye muboine ni bye muwuliire: abatulu bairamu kubona, abalema batambula, ab'endwaire ey'ebigenge balongooka, abaasemba amatu bawulira, abafu bazuukizibwa, n'abaavu bakoberwa Amawulire Amalungi

Yoanne 1:41

Ono yasooka kubona muganda we Simoni era yaamukoba ati: “Tuboine Messia,” amakulu gaakyo nti Kurisito.

Yoanne 12:46

Nze naidha mu nsi ng'ekimuliikirira, kiisi andhikiriza alobe kusigala mu nzikiiza.

Yoanne 3:34

Oyo Katonda ye yatuma ayogera ebibono bya Katonda, kuba Katonda tagaba Mwoyo we mu bipimo.

Ebikolwa by'Abatume 10:38

Katonda yayugha ku Yesu ow'e Nazarethi Mwoyo Mutukuvu n'amaani. Yaatambulanga woonawoona, yaajanga ng'akola ebikolwa ebirungi, ng'awonia boonaboona abadaazibwadaazibwa Sitaani, kuba Katonda yali naye.

Ebikolwa by'Abatume 26:18

Olibazibula amaiso, bagaluke okuva mu nzikiiza baire mu butangaavu, era bave mu buyinza bwa Sitaani baire ye Katonda, basoniyibwe ebibi byaibwe era bafune omugabo n'abo abatukuzibwa olw'okundhikiriza.’

Ebikolwa by'Abatume 4:26

Bakyabazinga ab'ensi baasituka, n'abafuzi beesoloza ghalala okulwanisa Musengwa ni Kurisito we.’

Ebikolwa by'Abatume 4:27

Bwenebwene Herode, ni Pilato, n'abamaghanga agandi, n'abantu ba Isiraeli, mu kibuga kino mwe beesololeza okulwanisa Yesu Omwana wo omutukuvu ye wasiiga omuzigo.

Ab'e Kolosai 1:13

Yatutoola mu bufuge obw'ekizikiiza yaatwiza mu Bwakyabazinga obw'Omwana we omugonzi.

Yakobo 2:5

Aboluganda abagonzi, muwulire kino: Katonda yalonda abaavu ab'oku nsi kuno okuba abakombe mu kwikiriza, era n'okuba mu Bwakyabazinga bwe yasuubiza abo abamugonza.

1 Petero 2:9

Aye imwe muli lulyo lulonde, bakabona aba Kyabazinga, muli ighanga itukuvu era abantu ba Katonda beene. Katonda oyo n'eyabeeta okuva mu nzikiiza okwira mu butangaavu bwe obwewuunhisa einho, yaabalonda okukobera abantu ebyewuninkiriza bye yakola.