Luka 24:45 - Baibuli Ekibono kya Katonda 2014

⁴⁵ Agho yaigula emyoyo gyaibwe okutegeera Ebyaghandiikibwa,

Luka 24:45 ပူးပေါင်းရင်းမြစ်များ

Yobu 33:16

Agho Katonda gh'aigulira amatu g'abantu yaabaleetera okuwulira by'akoba, era yaalekagho akamanhiso akabalabula akatiisa.

Zabbuli 119:18

Nzibula amaiso, nsobole okubona endhegeresa eyewuunhisa eri mu mateeka go.

Okuvaayo 4:11

Agho Musengwa Katonda yaamubuuza ati: “Naani eyata ku muntu omunwa? Era naani asobola okumufuula kasiru oba omusigha oba abona, oba omutulu? Ti ninze, nze Musengwa Katonda?

Luka 24:32

Agho baakoba bati: “Titusuuyirirenga mule bw'abaire ng'ayogera n'ife mu ngira! Ng'atwinhonhola amakulu ag'Ebyaghandiikibwa?”

Ebikolwa by'Abatume 16:14

Ghaabaagho omukazi mulala ng'eriina lye ni Ludia nga ava mu kibuga Thuyatira. Yali atundanga bivaalo ebya nakasooma era nga atya Katonda. Ono Musengwa yamugha omwoyo omugonvu, yaikiriza ebyo Paulo bye yayogera.

Ebikolwa by'Abatume 26:18

Olibazibula amaiso, bagaluke okuva mu nzikiiza baire mu butangaavu, era bave mu buyinza bwa Sitaani baire ye Katonda, basoniyibwe ebibi byaibwe era bafune omugabo n'abo abatukuzibwa olw'okundhikiriza.’

Ab'Efeso 5:14

Kyebava bakoba bati: “Zuuka iwe atendwike, zuukira ove mu bafu, Kurisito aidha kukwakira.”

1 Yoanne 5:20

Twidhi nga Omwana wa Katonda yaidha, era yaatugha okutegeera, tumanhe Katonda oyo ow'amazima. Era tuli mu oyo ow'amazima, mu Mwana we Yesu Kurisito. Ono ni Katonda mwene era n'obulamu obutawaagho.

Okwolekebwa 3:7

“Ghandiikira malaika ow'Ekikunsu eky'Abaikiriza mu Kurisito eky'e Filadelufia, oti: Oyo omutukuvu era ow'amazima, ali n'ekisumuluzo kya Daudi, aigulagho ni ghataba asobola kwigalagho, aigalagho ni ghataba asobola kwigulagho akoba ati: