Luka 24:39 - Baibuli Ekibono kya Katonda 2014

³⁹ Mulinge ku ngalo dhange, n'ebigere byange, ninze mwenemwene mungemeku mubone kuba omuzimu tiguba na mubiri waire magumba nga bwe mubona bwendi nabyo.”

Luka 24:39 ပူးပေါင်းရင်းမြစ်များ

Omulangirizi 12:7

Olwo ng'omubiri gwira mu itaka mwe gwava, n'omwoyo nga gwirayo ye Katonda eyagukugha.

Okubala 16:22

Aye Musa ni Aaroni baakutama n'ebyeni byatuuka ku itaka, baakoba bati: “Wo Katonda waife, niiwe ensimuko ey'obulamu obwa buli kintu. Omuntu omulala bw'akola ekibi osungughalira abantu boonaboona?”

Luka 23:46

Yesu yaaleekaana ati: “Lata, nta omwoyo gwange mu ngalo dho!” Bwe yamala okwogera atyo yaisa omuuka ogusembayo.

Luka 24:38

Yaabakoba ati: “Kiki ekibatabwire, lwaki muba n'ebidhuubo bityo mu myoyo gyaimwe?

Luka 24:40

Bwe yamala okukoba atyo, yaabalaga engalo dhe n'ebigere bye.

Yoanne 20:20

Bwe yamala okubakoba atyo yaabooleka obwala bwe n'embavu dhe. Abeegeresebwa be baasangaala bwe baabona Musengwa.

Yoanne 20:25

Kale baine baamukobera bati: “Tuboine Musengwa.” Aye yaabairamu ati: “Okutoolaku nga mboine ku nkovu mu bwala bwe mwe baafumita emisumaali, era ni ntaaku olwala lwange mu nkovu omwo, era ni ntaaku omukono gwange mu mbavu dhe, tighanga era tija kwikiriza naire.”

Yoanne 20:27

Agho yaakoba Thomasi ati: “Ta ghano olwala lwo, era obone engalo dhange ogemeku ghano, era leeta omukono gwo ogute mu mbavu dhange. Leka kuba ataikiriza, aye ikiriza.”

Ebikolwa by'Abatume 1:3

Abo era be yabonekera mu ngeri kamaala okukakasa nga mulamu, ng'amaze okudaazibwadaazibwa. Yamala enaku amakumi ana (40) nga bamubona era yaabakobera ebigema ku Bwakyabazinga bwa Katonda.

1 Ab'e Thessalonika 5:23

Tusaba Katonda mwene kutugha miraala, abatukuze mwene mu bwidhuvu era akuume emyoyo n'emibiri gyaimwe nga mikalamu. Mubuleku omusango gwonagwona Musengwa waife Yesu Kurisito lw'aliira.

Abaheburayi 12:9

Ekyo nga kiri agho, twali ni balata baife mu mubiri abaatukangaivulanga era twabatangamu ekitiisa. Kale titugwaine kugondera Lata waife mu mwoyo kusingagho inho tube abalamu?

1 Yoanne 1:1

Tubaghandiikira okubakobera ku oyo eyaligho okuviira irala ku kwinhama. Kibono ow'obulamu twamuwulira, twamubona n'amaiso gaife, twamulingirira, twamugemaku n'obwala bwaife.