Luka 23:5 - Baibuli Ekibono kya Katonda 2014

⁵ Aye beekalangula bati: “Endhegeresa ye yasiikuula ebidhuubo eby'abantu mu Buyudaaya mwonamwona, okuviira irala mu Galilaaya okutuusa bw'atuuse ni ghano.”

Luka 23:5 ပူးပေါင်းရင်းမြစ်များ

Zabbuli 22:16

Ekikuukuulu eky'abakozi ab'ebibi kineezungulwire, bali ng'oti gabwa geene. Banfumiite engalo n'ebigere.

Zabbuli 57:4

Buti ndi ghagati mu mpologoma edhikankamira abantu, edhiri n'amaino ng'oti mafumo na bulaso, edhiri n'enimi endhogi ng'oti mpiima.

Zabbuli 69:4

Abankyagha ng'ate ghazira kye mbakoze bali kamaala okusinga enviiri edhiri ku mutwe gwange. Abo abenda okusirisa obulamu bwange nga bampaama bye ntakoze, ba maani beenebeene. Bampaliriza okuligha ebintu bye ntaibangaku naire.

Matayo 11:1

Agho Yesu bwe yamaliriza bye yagalagira Abeegeresebwa be Eikumi n'Ababiri, yaava agho yaaja okulangirira n'okwegeresa abantu mu bibuga byaibwe.

Matayo 2:1

Agho Yesu bwe yazaalibwa e Bethelehemu mu Buyudaaya, mu byanda bya kyabazinga Herode, ghaabaagho abakugu mu by'emuunienie abaava e buvandhuba baatuuka mu Yerusalemu.

Matayo 27:24

Pilato bwe yabona nga byonabyona bya bwereere, okudhagalala nga n'okuligho, yaatoola amaadhi yaanaaba mu ngalo mu maiso ag'eikuukuubira ng'akoba ati: “Nze nzira musango ku kuyugha omusaayi ogw'omuntu ono niimwe beene abalibona.”

Matayo 4:23

Agho Yesu yeezungulula Galilaaya yoonayoona, ng'ayegeresa mu sinagoga dhaibwe, era ng'abakobera Amawulire Amalungi ag'Obwakyabazinga yaawonia buli bulwaire na buli bugodhe mu bantu.

Mariko 1:14

Agho Yoanne ng'amaze okugemwa, Yesu yaaja e Galilaaya yaalangirira Amawulire Amalungi agava ewa Katonda.

Luka 11:53

Bwe yali avaagho Abanamateeka n'Abafarisaayo baatoolera okumusokasoka n'okumubuuliriza ebintu kamaala

Luka 23:23

Aye beekalangula n'amamiro amakaalaamu abakolere kye baali bali kumukoba, bati Yesu akomererwe. Era baaghangula.

Luka 23:6

Pilato bwe yawulira ebyo, yaabuuza oba ng'omuntu oyo Mugalilaaya.

Yoanne 1:43

Ku lunaku olwairirira Yesu yaasalagho okuja e Galilaaya. Yaayagaana Filipo yaamukoba ati: “Nnonereza.”

Yoanne 19:15

Bale baayasiikana bati: “Twala ere! Twala ere! Mukomerere ku musalaba!” Pilato yaabakoba ati: “Mwenda nkomerere kyabazinga waimwe ku musalaba?” Bakabona Abakulu baamwiramu bati: “Ife tuzira kyabazinga, okutoolaku Kaisari.”

Yoanne 2:11

Yesu yakolera ekyewuunhio kino ekisooka e Kana mu Galilaaya. Atyo yaayoleka ekitiisa kye era Abeegeresebwa be baamwikiriza.

Yoanne 7:41

Abandi baakoba bati: “Ni Kurisito.” Ate abandi baakoba bati: “Aye Kurisito aja kuva Galilaaya?

Yoanne 7:52

Baamwiramu bati: “Iwe weena oli wa Galilaaya? Kinoonereze mu byaghandiikibwa, oidha kubona oti e Galilaaya tesobola kuva mulanzi.” [

Ebikolwa by'Abatume 10:37

Mwidhi ebyabaagho mu Buyudaaya mwonamwona, ebyatandiikira e Galilaaya, nga Yoanne amaze okukoba abantu babatizibwe.

Ebikolwa by'Abatume 23:10

Okusoola bwe kweyongera okuba okw'amaani, omukulu ow'abaisirukale yaatya ati Paulo baidha kumukutulamu. Agho ni n'okulagira abaisirukale baje batooleyo Paulo mu bantu lwa maani, bamutwale mu nkambi.

Ebikolwa by'Abatume 5:33

Abakiise bwe baawulira kino baasungughala inho era baayenda na kubaita.

Ebikolwa by'Abatume 7:54

Bwe baawulira ebyo, baidhula obusungu, baaluma emba.

Ebikolwa by'Abatume 7:57

Aye bale baayasiikana nga basembye amatu gaibwe, boonaboona baamunhaagaana.