Luka 23:35 - Baibuli Ekibono kya Katonda 2014

³⁵ Abantu baayemerera agho beerolera, ate abafuzi baamusekerera bati: “Yalokolanga abandi, yeerokole mwene, oba nga ni Kurisito wa Katonda omulonde!”

Luka 23:35 ပူးပေါင်းရင်းမြစ်များ

Zabbuli 22:17

Amagumba gange goonagoona geegeze, abazigu baaningaku baaneerolera.

Zabbuli 35:15

Aye lwe nagwa mu bizibu, beene baasangaala busangaale, beesoloza, baaneezungulula, bankongoola, ni be nali tiidhi bankuba nga tibalekera naire.

Zabbuli 4:2

Bantu imwe, mulirekera li okusiiga eriina lyange enziro? Mulirekera li okugonza ebiziramu muganhulo, n'okujiira ku buguya?

Zabbuli 69:26

Kuba baja baakiriga abo b'obonereiza; baayongera obulumi ku abo b'ofumiite.

Zabbuli 71:11

nga bakoba bati: “Katonda amulekuliire agho, ka tumujiire tumugeme, kuba era ghazira muntu aidha kumututoola mu ngalo.”

Isaia 42:1

Musengwa Katonda akoba ati: “Ono n'omugheereza wange ye mpa amaani, era ye nalondamu aneesiimisa. Namutaamu omwoyo gwange, aleetere amaghanga okusalanga mu mazima.

Isaia 49:7

Musengwa Katonda Omutukuvu era Omununuzi wa Isiraeli, yeeyongera yaayogera n'omugheereza w'abafuzi oyo abantu ye banhooma einho, n'amaghanga ye gakyagha. Yaamukoba ati: “Bakyabazinga balikubona ng'osibwirwa, baasituka baakutaamu ekinhagansi, n'abakungu boona balikubona baakukubira amakiryaivu; kuba Musengwa Katonda omwesigwa era Omutukuvu wa Isiraeli n'eyakulonda.”

Isaia 53:3

Abantu baamunhooma era baamulekulira agho. Enaku yaamuluma nga ghazira ayenda kumulingaku. Atyo bwe yanhoomebwa, twaloba kumutaamu kanhagansi naire.

Okulira 3:14

Nafuuka ekisekererwa eri abantu boonaboona, era olunaku lwonalwona bemba enhembo edh'okundheedha.

Zekaria 12:10

“Era ndita mu baidhukulu ba Daudi ni mu bantu ab'omu Yerusalemu abandi boonaboona, omwoyo omusaasizi era ogwenda einho okusinza. Kale bwe baliringa ku ole ye baafumita, balimulira ng'oti n'omuntu alira omwana we y'abaire naye yenka ati. Baliwowoola ng'oti n'omuntu alira omwana we omuberi.

Matayo 12:18

“Ono n'omugheereza wange ye nalonda omugonzi, omwoyo gwange mwe gusagambira. Ndidha kumutaamu Mwoyo wange, akobere amaghanga eby'amazima.

Matayo 3:17

N'eiroboozi lyava mu igulu lyakoba liti: “Ono ni mutabane wange omugonzi, mwe neesiimira einho.”

Luka 16:14

Mperaano Abafarisaayo, kuba baali benda inho eby'obukombe, bino byonabyona baabiwulira aye baamusekerera.

Luka 23:13

Agho Pilato yaayeta ghalala Bakabona Abakulu, abafuzi, n'abantu.

Luka 23:39

Owundi ku baizi ab'emisango ye baali bakomereire agho yaamuvuma ati: “Ti niiwe Kurisito? Weerokole twena otulokole!”

1 Petero 2:4

Mwidhe y'ali. Oyo n'eibaale eiramu abantu lye baaloba bati lizira mugaso, aye eryalondebwa Katonda era ery'omughendo einho.