Luka 22:52 - Baibuli Ekibono kya Katonda 2014

⁵² Agho Yesu yaakoba Bakabona Abakulu, n'abaisirukale ab'omu isinzizo, n'abakulu ab'ebika abaidha okumugema ati: “Mwidhie okungema n'empiima n'emiigo oti muja kugema munhazi?

Luka 22:52 ပူးပေါင်းရင်းမြစ်များ

2 Bakyabazinga 11:15

Yehoiada tiyayenda Athalia bamwitire mu isinzizo lya Musengwa Katonda. Kale yaalagira abaduumizi b'eigye, ati: “Mumufulumye nga mumubikiza mu nhiriri dh'abaisirukale, era omuntu yeenayeena agezaaku okumutoola mu nhiriri, mumwite bwite.”

Matayo 26:47

Yesu bwe yali ng'ayogera, Yuda, omulala ku Ikumi n'Ababiri yaatuuka n'eikuukuubira ery'abantu okuva eri Bakabona Abakulu, n'abakulu ab'ebika, nga bagemye empiima n'emiigo.

Matayo 26:55

Mu saawa yeene eyo, Yesu yaakoba eikuukuubira ati: “Mwidhie okungema ng'abaja okugema omunhazi, mwaidha n'empiima n'emiigo? Buli lunaku natyamanga mu isinzizo naayegeresa, aye timwangema.

Luka 22:37

Ka mbakobere kiri n'okutuukirira ku nze ekyaghandiikibwa kiti, ‘Yabalirwa mu bamenhi ab'amateeka’ kuba ebyo ebingemaku biri n'enkomerero yaabyo.”

Luka 22:4

Ono yaaja yeekobaana ni Bakabona Abakulu, n'abaisirukale ab'omu isinzizo nga bw'anaamubagha.

Luka 22:51

Yesu yaabakoba ati: “Muleke!” Era yaagema ku kutu ow'omwiru yaamuwonia.

Luka 22:53

Nabanga n'imwe mu isinzizo buli lunaku, timwangema. Aye eno n'esaawa yaimwe era amaani ag'enzikiiza gali kukola.”

Yoanne 17:12

“Bwe nali nga ndi nabo, nali nga mbakuuma nga nkozesa obukumu bw'eriina lyo lye wampa. Nabakuuma era ghazira yaghaba okutoolaku oyo eyali ow'okuzikirira, Ebyaghandiikibwa bisobole okutuukirira.

Ebikolwa by'Abatume 5:26

Agho omukulu ow'abakuumi yaaja n'abasaadha be, baaleeta Abatume, aye nga tibakozeisa maani, kuba baatya abantu okubakuba amabaale.