Luka 22:42 - Baibuli Ekibono kya Katonda 2014

⁴² yaakuba amakiryaivu, yaasaba, ati: “Lata, bwe kuba nga n'okwenda kwo ntoolaaku ekikopo kino, aye ti nga nze bwe nhenda aye nga iwe bw'oyenda.” [

Luka 22:42 ပူးပေါင်းရင်းမြစ်များ

Zabbuli 40:8

Wo Katonda wange, nhenda inho okukola by'oyenda, era amateeka go gandi ku mwoyo.”

Isaia 51:17

Situka, situka iwe Yerusalemu, situkiramu mangu oyemerere! Situka iwe owanhwa ekikopo eky'obusungu bwa Musengwa Katonda obungi, mwene kye yakugha okunhwa, n'okimaliramu irala era ni kikuleetera okutagala.

Isaia 51:22

Musengwa Katonda oyo alwanirira abantu be akoba ati: “Mubone, mbatoire mu ngalo ekikopo eky'obusungu bwange obungi timukairamu kukinhwa kubaleetera kutagala.

Yeremia 25:15

Agho Musengwa Katonda, Katonda wa Isiraeli yankoba ati: “Toola ekikopo kye ngemye mu ngalo dhange eky'omwenge ogw'emizabbibu ogw'obusungu bwange. Okitwale okighe amaghanga goonagoona ye nnaakutuma, bakinhweku.

Matayo 11:25

Mu kiseera ekyo Yesu yaakoba ati: “Lata nkusaaka, Musengwa ow'eigulu n'ensi, kuba bino wabigisa abagezi n'abamanhi, waabimanhisa abato.

Matayo 11:26

N'agh'agho Lata, kuba iwe otyo bwe wasiima.

Matayo 20:22

Yesu yairamu ati: “Kye musaba timukiidhi. Mughanga okunhwa ku kikopo kye nja okunhwa?” Baamukoba bati: “Tughanga.”

Matayo 26:39

Yeeyongerayooku katono, yaakuba amakiryaivu yaasaba ng'akoba ati: “Lata oba kisoboka mponia ekikopo kino, ti nga nze bwe nhenda, aye nga iwe bw'oyenda.”

Matayo 26:42

Kabiri yaaja omukuzi ogwokubiri yaasaba ng'akoba ati: “Lata, oba nga ekikopo kino tikighanga kuntoolebwaku, okutoolaku nga nkinhweire, kikolebwe nga bw'oyenda.”

Matayo 26:44

Yaabaleka kabiri yaaja yaasaba omukuzi ogwokusatu, ng'ayogera ebibono n'ebirala ebyo.

Matayo 6:10

Obwakyabazinga bwo bwidhe. By'oyenda bikolebwe mu nsi nga bwe bikolebwa mu igulu.

Mariko 14:36

Era yaakoba ati: “Abba, Lata, byonabyona obisobola. Ntoolaaku ekikopo kino aye ti nga nze bwe nhenda, aye nga iwe bw'oyenda.”

Luka 23:34

Yesu yaakoba ati: “Lata basonighe kuba tibaidhi kye bali kukola.” Baagabana ebivaalo bye nga bakuba akalulu.

Yoanne 18:11

Aye Yesu yaakoba Petero ati: “Empiima yo giize mu kiruutu kyayo. Ekikopo Lata ky'ampaire nnaaloba okukinhwa?”

Yoanne 4:34

Yesu yaabakoba ati: “Emere yange n'okukola ebyo eyantuma by'ayenda, n'okumala omulimo gwe yampa.

Yoanne 5:30

“Tisobola kukola kintu kyonakyona ku bwange; nsala omusango nga bwempulira aghazira kusaliriza, kuba tinuyirira kukola nga bwe nhenda aye nga Lata eyantuma bw'ayenda.

Yoanne 6:38

Kuba naidha okuva mu igulu ti kukola nze kye nhenda, aye oyo eyantuma ky'ayenda.

Ebikolwa by'Abatume 21:14

Bwe twalemwa okumwikirizisa twamuleka, twakoba tuti: “Musengwa ky'asiima kikolebwe.”