Luka 21:8 - Baibuli Ekibono kya Katonda 2014

⁸ Yesu yaabairamu ati: “Mwekuume, ti kulwa nga babaghabya kuba ghalibonekagho abantu kamaala abalyeyeta eriina lyange nga bakoba bati, ‘Ninze oyo,’ era bati, ‘Ekiseera kituuse!’ Aye timubanonerezanga.

Luka 21:8 ပူးပေါင်းရင်းမြစ်များ

Yeremia 29:8

Nze Musengwa Katonda Afuga Amagye, Katonda wa Isiraeli, ndi kubalabula nti mutaganhanga balanzi ababa mu imwe kubaguya, waire omuntu owundi yeenayeena akoba ati asobola okulagula ebiri mu maiso. Mutawulirisanga birooto byaibwe bye beeroosaloosa.

Matayo 24:11

Abalanzi abaguya kamaala baliboneka era balikyamya abantu kamaala.

Matayo 3:2

yaakoba ati: “Mwenenie kuba Obwakyabazinga obw'omu igulu buseese.”

Matayo 4:17

Okuva olwo Yesu yainhama okwegeresa n'okukoba ati: “Mwenenie kuba Obwakyabazinga obw'omu igulu buseese.”

Luka 17:23

Ghalibaagho ababakoba bati, ‘Wuule ghale’ oba bati, ‘Wuuno ghano.’ Aye mutajangayo waire okubanonereza,

Luka 21:7

Baamubuuza bati: “Mwegeresa, bino biribaagho li, era kamanhiso ki akalibaagho nga biri kumpi kubaagho?”

Luka 21:9

Ate bwe muwulira ku ntalo ni ku bwegugungo timudhugumiranga, kuba ebintu ebyo biri n'okusooka okubaagho, aye tikitegeeza kiti mangu ago enkomerero eriba ng'etuuka.”

Yoanne 5:43

Nze naidha mu liina lya Lata wange, aye muloba okunsangaalira owundi bw'aliidha ku bubwe mwene, muja kumusangaalira.

Yoanne 8:24

Kye nava ni mbakoba nti mulifiira mu bibi byaimwe kuba bwe mutaikiriza muti ninze, muja kufiira mu bibi byaimwe.”

Yoanne 8:28

Agho Yesu yaabakoba ati: “Bwe mulighanika Omwana w'Omuntu, olwo lwe mulimanha nga ninze, era nga ghazira kye nkola ku bwange, aye Lata by'andhegeresa bye nkoba.

1 Ab'e Korintho 6:9

Timwidhi ng'abakozi b'ebibi tibalingira mu Bwakyabazinga bwa Katonda? Mulobe kwerimba ghazira badankaanu, waire abasinza ebitali Katonda, waire abenzi, waire abatamiivu, waire abasaadha abadankaana ni basaadha banaibwe, oba abakazi abadankaana ni bakazi banaibwe, abalingira mu Bwakyabazinga bwa Katonda.

Ab'Efeso 5:6

Batabaguyanga na bibono biziramu, kuba byene ebyo n'ebireetera obusungu bwa Katonda okwidha ku batamuwulira.

2 Ab'e Thessalonika 2:3

Ghatabangagho muntu yeenayeena abaguya mu nsambo yoonayoona, kuba olunaku olwo tiruja kutuuka okutuusa ng'okudheema okusembayo kumaze okutuuka, n'omuntu Omubi Isaababi ow'okuzikirira ng'amaze okweyoleka.

2 Timotheo 3:13

eno ng'abakozi b'ebibi n'abaguya bwe beeyongera okuba ababi, nga baguya ate nga beene boona babaguya.

1 Yoanne 4:1

Bakagwa, mutaikirizanga buli mwoyo, aye mulebenga buli mwoyo mubone oba nga wa Katonda; kuba abalanzi kamaala abaguya basansaaniire mu nsi.

2 Yoanne 1:7

Abaguya kamaala baasansaanira mu nsi, abataganha nga Yesu Kurisito yaidha ng'omuntu. Omuntu yeenayeena ali ng'oti n'abo muguya era Muzigu wa Kurisito.

Okwolekebwa 1:3

Wa nkabi asomera abantu ebibono bino eby'obulanzi, era ba nkabi abo abawulira ebyaghandiikibwa bino ni babigema. Kuba ekiseera kiri kumpi.

Okwolekebwa 12:9

Ogusota ogukologho ogwo, n'ogwo omusota ogw'eira ogwetebwa Omukemi era Sitaani omuguya ow'ensi yoonayoona. Ogusota ogwo gwasuulibwa ku nsi ni bamalaika baagwo.