Luka 21:26 - Baibuli Ekibono kya Katonda 2014

²⁶ Abantu balizirikaku olw'okutya nga balinda ebyo ebiri kwidha ku nsi, kuba amaani ag'omu igulu galitengeesebwa.

Luka 21:26 ပူးပေါင်းရင်းမြစ်များ

Isaia 5:30

Olunaku olwo bwe lulituuka, baliwologomera mu Isiraeli, ng'oti n'enhandha bw'ewolomboka. Omuntu bw'aliringirira ensi eyo, alibona nzikiiza na nnaku byonka, ng'ebire bikingiriiza omusana, enzikiiza yaidha.

Abalevi 26:36

“Abo ku imwe abanaabanga nga batwaliibwa mu bunhage mu nsi y'abazigu baimwe, nnaabaleetangamu okutya, nga n'eikaba obukaba erifuuyibwa empewo bwe baliwulira balumuka. Banaalumukanga ng'oti ni be bali kubingirira mu lutalo, era banaagwanga nga ghazira n'ali kubabinga.

Matayo 24:29

“Okudaagadaaga okw'enaku edho nga kwakawa, endhuba eriirugala, omwezi guliroba okwaka, emuunienie dhirimagalika okuva mu igulu, n'amaani ag'omu igulu galitengeesebwa.

Mariko 13:25

emuunienie dhirimagalika okuva mu igulu n'amaani ag'omu igulu galitengeesebwa;

Luka 21:25

“Ghalibaagho obumanhiso ku ndhuba, ku mwezi ni ku muunienie, ate ku nsi ghalibaagho okweraliikirira mu maghanga, n'okusoberwa olw'okuduma okw'amayengo n'enhandha.

Luka 21:27

Agho ng'abantu babona Omwana ow'Omuntu ng'aidhira mu kire n'amaani n'ekitiisa ekingi.