Luka 21:25 - Baibuli Ekibono kya Katonda 2014

²⁵ “Ghalibaagho obumanhiso ku ndhuba, ku mwezi ni ku muunienie, ate ku nsi ghalibaagho okweraliikirira mu maghanga, n'okusoberwa olw'okuduma okw'amayengo n'enhandha.

Luka 21:25 ပူးပေါင်းရင်းမြစ်များ

Zabbuli 46:3

n'amaadhi gaamu ni gawologoma ng'oti mpologoma era ni gafuukeera, n'ensozi ni dheesundasunda n'amaani amangi einho.

Isaia 13:10

Emuunienie edha buli nsambo ku igulu dhirirekera agho okwaka, endhuba yaagema enzikiiza ng'eri kuvaayo, n'omwezi gwaloba kwaka.

Isaia 17:12

Ha, wulira abantu abangi nga bwe bali kuwolomboka! Bali kuwolomboka ng'oti nhandha! Ha, wulira empiriito y'amaghanga! Gali kuyoolooka ng'oti n'enhandha eri kwefuukuula!

Isaia 24:23

Olwo omwezi guligema enzikiiza, n'endhuba yaaloba kwaka; kuba Musengwa Katonda Afuga Amagye n'aliba kyabazinga ku lusozi Sioni ni mu Yerusalemu. Era alyoleka ekitiisa kye eri abakulembeze b'abantu.

Isaia 5:30

Olunaku olwo bwe lulituuka, baliwologomera mu Isiraeli, ng'oti n'enhandha bw'ewolomboka. Omuntu bw'aliringirira ensi eyo, alibona nzikiiza na nnaku byonka, ng'ebire bikingiriiza omusana, enzikiiza yaidha.

Isaia 51:15

“Ninze Musengwa Katonda wo asiikuula enhandha, n'agireetera okuwolomboka nga yeekuluumulula. Katonda Afuga Amagye.

Yeremia 4:23

Nalingirira ensi, naabona nga ndhereere era nga ntabuletabule; ate naalinga ku igulu nga kuzira kyaka naire.

Danieli 12:1

Malaika yaayongera okukoba ati: “Mu kiseera ekyo, Mikaeli, malaika oyo omukologho omukuumi w'abantu bo, aliboneka. Olwo ghalibaagho ekiseera ekizibu ekitabangaghooku kasookanga nsi dhibaagho. Era ekiseera ekyo bwe kirituuka, abantu bo abo beene maina agaliba nga gaaghandiikibwa mu kitabo kya Katonda, n'abalirokolebwa.

Mika 7:4

N'omuntu oyo atwalibwa okuba nga n'abasingamu obulungi n'obwesigwa, yeena muzira makulu ng'oti n'eisubi erizira muganhulo. Aye ekiseera kituuse Katonda ababonereze, nga bwe yabalabula ng'abita mu balanzi, abantu baibwe, ababalengeza ku bija okubaagho. Buti basobeirwa!

Matayo 24:29

“Okudaagadaaga okw'enaku edho nga kwakawa, endhuba eriirugala, omwezi guliroba okwaka, emuunienie dhirimagalika okuva mu igulu, n'amaani ag'omu igulu galitengeesebwa.

Matayo 27:45

Mperaano, okuva ku saawa eyomukaaga enzikiiza yaagema ensi yoonayoona okutuuka ku saawa eyomwenda.

Mariko 13:24

“Mu nnaku edho ng'okudaagadaaga kuwoire, endhuba erizikira n'omwezi gwaloba kwaka,

Mariko 13:26

ng'olwo ni babona Omwana ow'Omuntu ng'aidhira mu bire n'amaani amangi n'ekitiisa.

Mariko 15:33

Esaawa bwe dhaaghera omukaaga, enzikiiza yaagema ensi yoonayoona okutuuka esaawa omwenda.

Luka 21:24

Abandi balibaita n'empiima, abandi balitwalibwa mu maghanga goonagoona nga banhage, era Yerusalemu kiriniinirirwa abamaghanga agandi okutuusa enaku edh'abamaghanga agandi lwe dhiriwaaku.

Luka 21:26

Abantu balizirikaku olw'okutya nga balinda ebyo ebiri kwidha ku nsi, kuba amaani ag'omu igulu galitengeesebwa.

Ebikolwa by'Abatume 2:19

Ndiraga ebyewuninkiriza eyo ghaigulu mu igulu, n'ebyewuunhio ghansi ku nsi. Ghalibaagho omusaayi, omuliro, n'omwosi ogunioka.

Okwolekebwa 20:11

Agho naabona ekityamo eky'obwakyabazinga ekikologho, nga kyeru, era nga kiriku akityaimeku. Eigulu n'ensi byabulagho mu maiso ge obutairayo kubonekaku.