Luka 21:19 - Baibuli Ekibono kya Katonda 2014

¹⁹ Mu kuguma kwaimwe mwe muliwoneza obulamu bwaimwe.”

Luka 21:19 ပူးပေါင်းရင်းမြစ်များ

Zabbuli 37:7

Sirikanga ng'oli aghali Musengwa Katonda, oteegerere ky'anaakola. Ole ebintu ni bwebimujiira obukalamu, oba n'afuna ebintu ng'abita mu magira amabi, otafangayo.

Zabbuli 40:1

Eisuubi lyange lyonalyona nalita mu Musengwa Katonda era yaatega kutu yaawulira okulira kwange.

Habakkuku 3:16

Bwe mpulira ebyo byonabyona ndhugumira, n'ensaya dhantengera olw'okutya. Amagumba gange gaanafugha, n'ebigere byange byatengeeta ku itaka. Ndidha kusirika nteegerere olunaku Katonda lw'alituusa obuzibu ku abo abatulumba.

Matayo 10:22

Abantu boonaboona balibakyagha olw'eriina lyange. Aye oyo alyekalangula okutuusa ku nkomerero, alirokolwa.

Matayo 24:13

Aye oyo alyekalangula okutuusa ku nkomerero, alirokoka.

Luka 8:15

Eyo eyagwa mu itaka eirungi, n'abo abawulira ekibono kya Katonda n'omwoyo ogugwaine era omulungi, baakikalangula baabala ebibala nga baguminkiriza.

Ab'e Roma 15:4

Byonabyona Ebyaghandiikibwa eira, byaghandiikibwa olw'okutwegeresa tusobole okubanga n'eisuubi olw'okuguminkiriza n'olw'amaani, ebiva mu Byaghandiikibwa.

Ab'e Roma 2:7

Abo abanoonia ekitiisa, okusaakibwa n'obutafa nga banhiinkiira okukola obukalamu, alibagha obulamu obutawaagho

Ab'e Roma 5:3

Era tusagamba ni mu kudaagadaaga kwaife kuba twidhi tuti okudaagadaaga kuvaamu okuguminkiriza,

Ab'e Roma 5:4

okuguminkiriza kwavaamu okusiimibwa Katonda, era okusiimibwa okwo kwavaamu eisuubi.

Ab'e Roma 8:25

Aye bwe tusuubira ekyo kye tutabonaku, tulindirira n'okuguminkiriza.

1 Ab'e Thessalonika 1:3

Twidhukira mu maiso ga Katonda era Lata waife, nga bwe mwoleka okwikiriza n'okugonza kwaimwe mu bye mukola, era twidhukira nga bwe mwoleka eisuubi lyaimwe eritakoma mu Musengwa waife Yesu Kurisito.

2 Ab'e Thessalonika 3:5

Musengwa abatuuse ku kugonza kwa Katonda ni ku kuguminkiriza kwa Kurisito.

Abaheburayi 10:36

Mwetaaga okuguminkiriza, memale musobole okukola Katonda ky'ayenda, n'okugheebwa ekyasuubizibwa.

Abaheburayi 6:11

Era twenda kiisi mulala ku imwe okwolekanga okufaabiikana okwo, okutuusa ku nkomerero lwe mulifuna kye musuubira.

Abaheburayi 6:15

Aburahamu yaaguminkiriza, era atyo yaafuna Katonda kye yamusuubiza.

Yakobo 1:3

Kuba mwidhi ng'okwikiriza kwaimwe bwe kugezesebwa, kibaviiramu okuguma.

Yakobo 1:4

Muleke okuguma kwaimwe okwo kukolere mu imwe, olwo mube abantu abatuukiriire era abalamba, nga muziraku kibulaku.

2 Petero 1:6

ku kumanha mwongereku okwefuga, ku kwefuga mwongereku okuguminkiriza ku kuguminkiriza mwongereku okutya Katonda

Okwolekebwa 1:9

Ninze Yoanne muganda waimwe era Mukurisito munaimwe, agabanira aghalala n'imwe ku kudaazibwadaazibwa ni ku Bwakyabazinga bwa Kurisito era ni ku kuguminkiriza mu kudaazibwadaazibwa. Nateebwa ku kizinga ekyetebwa Patumo nga nangibwa okwegeresa abantu ekibono kya Katonda n'olw'okuba omudhulirwa wa Yesu.

Okwolekebwa 13:10

Kiisi muntu eyategekerwa okunhagibwa, alitwalibwa mu bunhage. Era kiisi muntu eyategekerwa okwitibwa empiima, alifa mpiima. Agho ni abatuukirivu bateekwa okuba n'okwikiriza era n'okuguminkiriza.

Okwolekebwa 14:12

Agho ni abo abatuukirivu abagema ebiragiro bya Katonda, ni basigala nga baikiriza Yesu, bateekwa okuguminkiriza.

Okwolekebwa 3:10

Olw'okuba waguminkiriza mu kudaazibwadaazibwa nga bwe nakulagira, ndidha kukuwonia ekiseera eky'okulebwa ekija okwidhira ensi yoonayoona okuleba abo abali ku nsi.