Luka 21:18 - Baibuli Ekibono kya Katonda 2014

¹⁸ Aye ghazira luviiri lwa ku mutwe gwaimwe luja kuzikirira.

Luka 21:18 ပူးပေါင်းရင်းမြစ်များ

2 Samueli 14:11

Omukazi yaakoba ati: “Nkweghemba Isebantu kyabazinga, osabe Musengwa Katonda wo, alobere oyo ayenda okwesasuuza olw'ole ye baita, alobe kweyongera kwita. Olwo mutabane wange awone okuzikirizibwa.” Kyabazinga yaamukoba ati: “Ndayira Musengwa Katonda omulamu, nti mutabane wo tibaidha kumutuusaaku kabi waire akatono kati.”

Matayo 10:30

Aye imwe n'enviiri edh'oku mitwe gyaimwe dhoonadhoona mbale.

Luka 12:7

Ate oba n'omughendo ogw'enviiri edhiri ku mitwe gyaimwe Katonda agwidhi. Kale mutatyanga, muli ba mughendo okusinga enkazaluya ekyodo.

Luka 21:17

Abantu boonaboona balibakyagha ku lw'eriina lyange.

Ebikolwa by'Abatume 27:34

Mbeeghembye, mulye ku mere mulobe kufa ndhala, kuba ghazira kabi kanaabatuukaku.”

1 Samueli 14:45

Aye abantu baakoba Saulo bati: “Obwo bwenebwene Yonathani agwaniire okufa, ate nga aleeteire Isiraeli obughanguzi obwaga agho? Busa naire! Nga Musengwa Katonda bw'ali omulamu, tighaidha kuba luviiri naire olulala luti olunaava ku mutwe gwe ni lugwa ku itaka kuba akoleire ghalala ni Katonda olwaleero.” Kale, abantu batyo baawonia Yonathani yaaloba kwitibwa.

1 Samueli 25:29

Bwe ghanaabangagho asituka okukuyiigania ng'ayenda okukwita, Musengwa Katonda wo aidha kukukuumanga ng'oti n'omuntu bw'akuuma eky'obukombe eky'omughendo. Aye abazigu bo, Musengwa Katonda aidha kubakonhoogereranga ng'oti n'omuntu bw'akonhoogerera amabaale mu nsuumulo.