Luka 21:15 - Baibuli Ekibono kya Katonda 2014

¹⁵ Kuba ninze ndibagha engeri ey'okwogera n'amagezi, nga ku bazigu baimwe ghazira aghanga kubitakania waire kubiroba.

Luka 21:15 ပူးပေါင်းရင်းမြစ်များ

Ensambo 2:6

Musengwa Katonda n'agha abantu amagezi; era mu by'akoba n'omuva okumanha n'okutegeera.

Yeremia 1:9

Agho Musengwa Katonda yaagolola omukono gwe, yangema ku munwa. Yankoba ati: “Bona eno, nkutaire mu kanwa mwo, ebibono byange by'onaayogera.

Ezekieli 29:21

“Ekyo bwe kirituukirira, eighanga Isiraeli ndirifuula lya maani, era iwe Ezekieli ndikugha okulanga n'amaani, abantu boonaboona baakuwulira. Olwo balimanha nga ninze Musengwa Katonda.”

Luka 12:12

kuba Mwoyo Mutukuvu alibeegeresa mu saawa yeene eyo kye mugwaine okwogera.”

Luka 21:16

Era muligheebwayo abazaire baimwe, baganda baimwe, ab'ekika kyaimwe, mikwano gyaimwe, era baliita abandi ku imwe.

Luka 24:45

Agho yaigula emyoyo gyaibwe okutegeera Ebyaghandiikibwa,

Ebikolwa by'Abatume 2:4

era boonaboona baidhula Mwoyo Mutukuvu baatoolera okwogera mu nnimi edhindi, nga Mwoyo bwe yabaghanga okwogera.

Ebikolwa by'Abatume 24:25

Aye Paulo bwe yayogera ku butuukirivu, ni ku muntu okufuga omubiri gwe, era ni ku lunaku olw'okusaliraku omusango, Felikisi yaatya, yaakoba ati: “Mperaano ja ndidha kufunayo ekiseera nkwetese.”

Ebikolwa by'Abatume 26:28

Agurippa yaakoba Paulo ati: “Mu kaseera kano akatono odhuuba okunfuula Omukurisito?”

Ebikolwa by'Abatume 6:10

Aye tibaamusobola olw'amagezi aga Mwoyo eyamwogererangamu.

Ab'Efeso 6:19

Zeena munsabire, bwe naabanga nga ndhogera, mpeebwe eby'okwogera, era mbyogere nga titya, nga mmanhisa abantu ekyama eky'Amawulire Amalungi.

Yakobo 1:5

Oba nga ghaligho ku imwe azira magezi, asabe Katonda aidha ku gamugha kuba oyo agabira abantu boonaboona n'omwoyo mulala.