Luka 20:21 - Baibuli Ekibono kya Katonda 2014

²¹ Baidha baamukoba bati: “Mwegeresa, twidhi tuti by'oyogera ni by'oyegeresa bituufu, toboola muntu yeenayeena, aye oyegereresa irala amagira amatuufu aga Katonda.

Luka 20:21 ပူးပေါင်းရင်းမြစ်များ

2 Ebyomubyanda 19:7

Kale ni mutyenga Musengwa Katonda era mutenga omwoyo ku bye mukola, kuba Musengwa Katonda waife oyo aziramu kufuulaniafuulania nsonga, oba okusaliriza, waire okulya enguzi.”

Yobu 34:19

Katonda tiyeekubira ku luuyi lwa bafuzi, abisa bulala abakombe n'abaavu; kuba boonaboona bitonde bye.

Zabbuli 12:2

Buli muntu aguya mwine, yaasuutiriza mwine ku munwa, aye nga mu mwoyo muguya.

Zabbuli 55:21

Ng'akozesa olulimi olw'okwewooya, ate nga mu mwoyo gwe mwidhwire nzigu ebibono bye nga biwooma okuwulirisa, aye nga bifumita oti mafumo geene.

Matayo 22:16

Baamutumira abeegeresebwa baibwe, ni baine ba Herode, baakoba bati: “Mwegeresa twidhi oli wa mazima era oyegeresa mu mazima engira ya Katonda, ozira ye weeguya, kuba tojiira ku mboneka ya bantu.

Mariko 12:14

Bwe baatuuka baamukoba bati: “Mwegeresa, twidhi oli wa mazima era mpaagho ye weeguya. Mu nkola yo tojiira ku mboneka ya muntu, aye oyegeresa mu mazima engira ya Katonda. Kale ni tukobere, kiikirizibwa okugha Kaisari omusolo oba bbe? Tugughenga oba tutagughanga?”

Luka 20:20

Kale baagunirira baasasula abantu empiiya ab'okumuleba, abeefuula abeesimbu ate nga baayenda kumugemekeza mu by'ayogera, basobole okumughaayo mu mikono egy'ab'obuyinza.

Luka 20:22

Mpegaano tukobere, twikirizibwa mu Mateeka okugha Kaisari omusolo oba bbe?”

Yoanne 3:2

Lwali lulala ono yaaja ye Yesu obwire yaamukoba ati: “Mwegeresa, twidhi tuti oli mwegeresa ava ewa Katonda, kuba ghazira aghanga kukola byewuunhio bino by'okola okutoolaku nga Katonda ali naye.”

2 Ab'e Korintho 2:17

Tituli oti n'abantu abandi kamaala abakozesa ekibono kya Katonda okufunamu kye banaalya, aye tuli bantu Katonda be yatuma, era twogera mazima mu maiso ge, ng'abagheereza mu Kurisito.

Ab'e Galatia 1:10

Mudhuuba muti ndi kunuyirira kusiimibwa bantu aye ti Katonda? Oba ndi kugezaaku kusangaaza bantu? Bwemba nga nkaagezaaku okusangaaza abantu mba tiri mugheereza wa Kurisito.

Ab'e Galatia 2:6

Aye era abo abaaboneka ng'oti n'abakulu, oba bwenebwene bwe baali ekyo ku nze ti kya nsonga, kuba Katonda taboola mu bantu abakulu abo, nga bwe nkobye, mpaagho kiyaaka kye baanhongeraku.