Luka 20:20 - Baibuli Ekibono kya Katonda 2014

²⁰ Kale baagunirira baasasula abantu empiiya ab'okumuleba, abeefuula abeesimbu ate nga baayenda kumugemekeza mu by'ayogera, basobole okumughaayo mu mikono egy'ab'obuyinza.

Luka 20:20 ပူးပေါင်းရင်းမြစ်များ

2 Samueli 14:2

Kale Yoabu yaayetesa omukazi omugezigezi, baamuleeta okuva e Tekoa. Yaamukoba ati: “Weekoze obe ng'oti n'omuntu afiiriirwa, weesibe ekikaakaati, era olobe kwesiigaku kazigo naire obeere irala ng'omuntu amaze entangama ng'alira omufu.

Zabbuli 38:12

Abo abenda okundhita bantega entuula dhaibwe; abo abenda ngwe mu bizibu beekobaana bwe banaakola okunzikiriza, olunaku lwonalwona baalumala nga bategeka bwe banandyamu olukwe.

Zabbuli 66:3

Mukobe Katonda muti: “By'okola nga bya ntiisa! Obuyinza bwo bungi, bukaka n'abazigu bo okwidha nga bagwirana okukukubira amakiryaivu.

Zabbuli 81:15

Abo abankyagha nze Musengwa Katonda, bandiidhye ye ndi nga baavula bwavule, naababonereza ebyanda n'ebyanda.

Yeremia 11:19

Aye nali ng'oti n'entaama ento empolu ye bali kutwala okwita. Nali tiidhi nga ninze ye baali bali kutegekera okukola akabi, nga bakoba bati: “Ka tutemegho omuti nga gukaali mulamu bulungi. Ka tumwite aveegho ghalobe kubaagho amwidhukira naire.”

Yeremia 18:18

Agho abantu beeteesa bati: “Mwidhe tubeeku ni kye tukola Yeremia ono. Ni bwetunaamutoolagho, tituja kubula bakabona ba kutugalagiranga, era tituja kubula bagezi ba kwebuuzangaku, waire okubulwa abalanzi abatukobera obukwenda bwa Katonda. Ka tumuteeku emisango, era tulekere okuwulirisanga by'akoba.”

Yeremia 20:10

Mpulira nga boonaboona boogera obwama bati: “Entiisa egemye buli ghantu. Ka tumwogereku bubi, tumuseeghe mu b'obuyinza!” Bakagwa bange beene n'abakoba batyo, nga baguniriire okubona bwe ngwa. Era nga bakoba bati: “Oba katyo tunaamusalira amagezi twamugemya, olwo twamwesasulizaaku.”

Danieli 6:4

Bakungu baine bale ab'oku ntwiko ababiri, ghalala n'abafuzi ab'amasaza, baanoonia bazuuleyo ekintu eky'okwemuluguunhia ku Danieli ku bigemagana n'obwakyabazinga. Aye baalemwa okufuna kye banaavaaku okumwemuluguunhiaku, kuba yali mwesigwa, ng'azira nsobi y'akola waire okuba n'ekikyamu ky'akola.

Matayo 27:2

Agho baamusiba baamutwala era baamughaayo ew'omufuzi Pilato.

Mariko 3:2

Abaaligho beekalirisa Yesu babone oba nga awonia omuntu oyo ku Sabbato, memale bamuseeghe.

Luka 11:54

nga bamutega bamugemye mu by'ayogera.

Luka 20:21

Baidha baamukoba bati: “Mwegeresa, twidhi tuti by'oyogera ni by'oyegeresa bituufu, toboola muntu yeenayeena, aye oyegereresa irala amagira amatuufu aga Katonda.

Luka 20:26

Era tibaaghanga kumugema mu bibono bye yayogera ng'abantu baligho, kale baasirika busirike nga beewuunhia kye yabairamu.

2 Petero 2:3

Era olw'amairu gaibwe ag'okufuna, balifuna mu imwe amagoba nga bakozesa ebibono eby'obuguya. Katonda yamala ira okubasalira omusango, era aja kubazikiriza nga bwe yategeka.