Luka 2:7 - Baibuli Ekibono kya Katonda 2014

⁷ Yaazaala omwana we omuberi nga mulenzi, yaamuzingirira mu bugozi, yaamuta mu kiibo ensolo mwe dhiriira kuba tibaafuna kifo mu ndhu ey'abageni.

Luka 2:7 ပူးပေါင်းရင်းမြစ်များ

Amainhama 42:27

Bwe baatuuka agh'okusula, owundi yaasibula ensawo ye okugha endogoyi ye eby'okulya, yaabona empiiya dhe nga dhiri ku munwa gw'ensawo ye.

Amainhama 43:21

Bwe twatuuka agh'okusula nga tuli kwirayo eka, twasibula ensawo dhaife, twayagaana empiiya edha buli muntu nga dhiri mu munwa gw'ensawo ye dhoonadhoona nga bwe dhaali. Kale tudhiiziiza.

Zabbuli 22:6

Aye nze ndi ng'oti lugereegere tikaali muntu, ndi nseko dha balamu era abantu ye banhooma.

Okuvaayo 4:24

Bwe baali nga bali mu lugendo, baatuuka aghantu agh'okusula, baasula agho. Musengwa Katonda yaayagaana agho Musa yaayenda okumwita.

Isaia 7:14

Kale ni Musengwa Katonda mwene ku lulwe alibagha akamanhiso, era ni kano: Omughala omwegha alitoola enda, yaazaala omwana omulenzi yaamutuuma eriina Emmanueli

Matayo 1:25

aye nga ghazira bya bufumbo okutuusa bwe yazaala omwana ow'obulenzi era yaamutuuma eriina Yesu.

Matayo 13:55

Ono ti n'omwana ow'omubaadhi? Inhina ti ni Maria? Ni baganda be ti ni Yakobo, ni Yosefu, ni Simoni, ni Yuda?

Matayo 8:20

Yesu yaamukoba ati: “Ebibe biri n'ebiina, n'enhonhi edh'omu ibbanga dhiri n'ebisu, aye Omwana ow'Omuntu azira gh'aisa mutwe.”

Luka 10:34

yaaseeta ghe yali, yaamusiba gha biwundu ng'amaze okubiyughaku omuzigo n'omwenge ogw'emizabbibu. Agho yaamuta ku ndogoyi ye, yaamutwala mu ndhu ey'abageni, yaamugenza.

Luka 2:6

Agho olwatuuka nga bakaali eyo, enaku dhe edh'okuzaala dhaatuuka.

Luka 2:8

Mu kiketezo ekyo mwalimu abaayi abaabanga eyo mu byayiro obwire nga bakuuma ebyayo byaibwe.

Yoanne 1:14

Kibono yaafuuka omuntu yaaba mu ife ng'aidhwire ekisa n'amazima. Twabona ekitiisa kye, ekitiisa ng'eky'Omwana wa Lata omulala bedengedenge.

2 Ab'e Korintho 8:9

Mwidhi ekisa kya Musengwa waife Yesu Kurisito, waire yali mukombe yafuuka omwavu olwaimwe, memale olwo obwavu bwe bubafuule abakombe.

Ab'e Galatia 4:4

Aye ekiseera ekironde bwe kyatuuka, Katonda yaatuma Omwana we mwene. Yaazaalibwa omukazi era yaafugibwa Amateeka,