Luka 2:44 - Baibuli Ekibono kya Katonda 2014

⁴⁴ baali badhuuba bati bali naye mu bantu, be baali bali kutambula nabo. Era baatambula olugendo lwa lunaku lulamba, nga bali kumwagala mu b'ekika ni mu bamanhe.

Luka 2:44 ပူးပေါင်းရင်းမြစ်များ

Zabbuli 42:4

Omwoyo guunuma bwe ndidhukira eby'eira, bwe nakulemberangamu olukunkumuli olw'abantu abali ku kibinuko, nga tuja mu ndhu ya Katonda nga tuja bwe tukuba emizira era nga bwe twemba enhembo edh'okwebaza Katonda.

Isaia 2:3

abantu abangi abo balikoba bati: “Mwidhe tuje ku lusozi lwa Musengwa Katonda, mu isinzizo lya Katonda wa Isiraeli, atwegerese by'ayenda tukole, era tujiire ku ebyo by'atwegeresa; kuba Musengwa Katonda aba eyo mu Yerusalemu yaayegeresa abantu be, era aba eyo mu Sioni yaayogera n'abantu be.”

Luka 2:43

Enaku bwe dhaawaaku, nga bali kwirayo, omwana Yesu yaasigala mu Yerusalemu. Aye abazaire be tibaamanha,

Luka 2:45

Bwe bataamubona, bairayo e Yerusalemu nga bali kumwagala.

Luka 23:49

Boonaboona be yali aidhigaine nabo nga n'omuli n'abakazi abaatambula naye okuva e Galilaaya, baayemerera ghalaku baalingirira ebintu bino.