Luka 2:40 - Baibuli Ekibono kya Katonda 2014

⁴⁰ Omwana yaakula yaaba wa maani, ng'aidhwire amagezi era n'enkabi dha Katonda ng'ali nadho.

Luka 2:40 ပူးပေါင်းရင်းမြစ်များ

Zabbuli 22:9

Ate nga niiwe owantoola mu nda ya maama, ni bwe nali ku mabeere nga nhonka ng'onkuuma.

Zabbuli 45:2

Iwe osinga abasaadha abandi boonaboona abali ku nsi obulungi. Bw'oyogera ghazira ayenda olekere, olw'ekyo Katonda yakugha enkabi edhitaja kukuvaaku.

Luka 1:80

Omwana yaakula era yaaba wa maani mu mwoyo, yaabanga eyo mu malungu okutuusa ku lunaku lwe yeeyoleka Isiraeli.

Luka 2:47

Era boonaboona abaamuwulirisa beewuunhia inho amagezi ge, ni bye yairangamu.

Luka 2:52

Yesu yeeyongera mu magezi n'okukula era n'okugonzebwa Katonda n'abantu.

Yoanne 1:14

Kibono yaafuuka omuntu yaaba mu ife ng'aidhwire ekisa n'amazima. Twabona ekitiisa kye, ekitiisa ng'eky'Omwana wa Lata omulala bedengedenge.

Ebikolwa by'Abatume 4:33

Abatume baakakasa okuzuukira kwa Musengwa Yesu n'amaani mangi, ni Katonda yaabagha boonaboona enkabi kamaala.

Ab'Efeso 6:10

Ekisembayo, mube bagumu mu Musengwa, n'obuyinza bwe obw'amaani.

2 Timotheo 2:1

Iwe niini mwana wange, weekalangule ng'oyambibwa amaani agali mu kwisa ekirala mu Kurisito Yesu.

Abalamuzi 13:24

Agho ekiseera nga kibiseegho, omukazi yaazaala omwana mulenzi, yaamutuuma eriina Samusoni. Omwana yaakula, Musengwa Katonda yaamugha enkabi.

1 Samueli 2:18

Samueli yali ng'agheereza mu maiso ga Musengwa Katonda ng'akaali mwisuka, ng'avaala ekivaalo eky'obwakabona ekyakolebwa mu lugoye olughegheevu.

1 Samueli 2:21

Musengwa Katonda yaayongera okugha Hanna enkabi, yaazaala abaana abandi abalenzi basatu n'abaghala babiri. Omulenzi Samueli yaayongera okukula ng'agheereza Musengwa Katonda.

1 Samueli 2:26

Agho omulenzi Samueli yeeyongera okukula n'okugonzebwa Musengwa Katonda n'abantu.

1 Samueli 3:19

Samueli yaakula, era Musengwa Katonda yaabanga ghalala naye. Musengwa Katonda yaaloba kuganhanga Samueli oyo ky'akobye ni kiroba kutuukirira.