Luka 19:44 - Baibuli Ekibono kya Katonda 2014

⁴⁴ Balikusaaniagho iwe n'abantu bo abakulimu era tibalireka ibaale ku liinaalyo kuba tiwamanha lunaku lwa kukukyalira.”

Luka 19:44 ပူးပေါင်းရင်းမြစ်များ

Zabbuli 137:9

Omuntu oyo bw'alitoola abaana baimwe n'abakuba ku mabaale ni bafa, aliba akoze kikalamu kyene!

Isaia 10:3

Mulikola mutya ku lunaku Musengwa Katonda lw'alibabonerezaaku, n'abatuusaaku akabi akaliva mu nsi ey'eghala? Mulirumukira y'ani okubayamba? Era mulikweka gha obukombe bwaimwe?

Isaia 29:3

Ndikisimbaku weema dhange okukyezunguluza, naakizingiza n'ebituuti ebirengererwaku, era naakibungaku emungo y'eitaka ey'okuniiniraku okukirwanisa.

Yeremia 11:23

Namala okutaagho ekiseera mwe ndisindikira akabi ku bantu abo ab'omu Anathothi, era ekiseera ekyo bwe kirituuka ghazira ku abo aliwonagho.”

Okulira 1:8

Abantu ab'omu Yerusalemu abo baayonoona inho mu maiso ga Katonda, baamufuukira ekyenhinhalwa. Abaabatangamu ekitiisa baatoolera okubanhooma nga bababona ng'oti n'omuntu ali amadu. Bwenebwene bali mu nnaku era beebwalabwala olw'ensoni.

Danieli 9:24

“Katonda yalagira ekiseera kya myaka nsanvu emikuzi musanvu ku bantu bo ni ku kibuga kyo ekitukuvu, memale okwonoona kukomezebwe, n'okukola ebibi kuweegho. Olwo ebyonoono bisoniyibwe, ghairegho okukola amazima ebyanda n'ebyanda, n'okubonekerwa n'obulanzi bituukirizibwe, era n'eisinzizo eitukuvu liiremu okutukuzibwa.

Danieli 9:26

Ng'emyaka enkaaga n'ebiri emikuzi omusanvu gibiseegho, omukulembeze omulonde wa Katonda aja kwitibwa, aye ng'aziraku musango. Ghalibaagho omufuzi ow'amaani aliidha n'eigye lye, yaazikiriza ekibuga n'eisinzizo. Enkomerero ye eriba ng'oti maadhi ga mwiga ogubanze. Era ghalibaagho olutalo n'okuzikirizibwa.

Mika 3:12

Kale ni ku lwaimwe, olusozi Sioni balirulima ng'oti nimiro, ekibuga kya Katonda Yerusalemu kyasigala agho nga mmungo ya bifunfugu n'olusozi lwonalwona oluliku eisinzizo lwafuuka kibira.

Matayo 24:2

Yaabakoba ati: “Ebyo byonabyona timuli kubibona? Bwenebwene ka mbakobere: Ghano tighaliba ibaale lirisigala ku liinaalyo nga tirisuuliibwa ghansi.”

Mariko 13:2

Yesu yaamwiramu ati: “Tobona gazimbe ago? Tighaliba ibaale lirisigala ku liinaalyo nga tirisuuliibwa ghansi.”

Luka 1:68

“Musengwa Katonda wa Isiraeli asaakibwe, kuba akyaliire abantu be era yaabanunula.

Luka 1:78

Olw'okusaasira okunene okwa Katonda waife ali ng'oti n'endhuba evaayo, aliva ghaigulu yaidha yaatukyalira.

Luka 19:42

Yaakoba ati: “Nguli wamanha waire olwaleero luno ebireeta emiraala! Aye mperaano bya kwegisaaku

Luka 21:6

“Ebiseera biidha, ebyo bye mubona ghalobe kubaagho ibaale lisigala ku liinaalyo nga tirisuuliibwa ghansi.”

1 Petero 2:12

Mwebisenga bukalamu nga muli mu bamaghanga agandi. Olwo balobe kuboogeraku bati muli bakozi ba bibi, aye babone nga bye mukola bikalamu era basaake Katonda ku lunaku lw'aliidha.