Luka 19:14 - Baibuli Ekibono kya Katonda 2014

¹⁴ Aye abantu ab'omu nsi ye, baali nga baamukyagha, era baagheereza abakwenda abaamuva einhuma okukoba bale ye yali ali kuja bati tibenda oyo abafuge.

Luka 19:14 ပူးပေါင်းရင်းမြစ်များ

2 Samueli 23:7

Aye ole ayenda okugagemaku, akozesa ekyuma ekigumu einho era n'olunhago olw'eifumo, yaagookya n'omuliro gwagamaliragho irala.”

Isaia 49:7

Musengwa Katonda Omutukuvu era Omununuzi wa Isiraeli, yeeyongera yaayogera n'omugheereza w'abafuzi oyo abantu ye banhooma einho, n'amaghanga ye gakyagha. Yaamukoba ati: “Bakyabazinga balikubona ng'osibwirwa, baasituka baakutaamu ekinhagansi, n'abakungu boona balikubona baakukubira amakiryaivu; kuba Musengwa Katonda omwesigwa era Omutukuvu wa Isiraeli n'eyakulonda.”

Zekaria 11:8

Ghaabaagho abaayi basatu abankyagha ni bandeetera okubeesinwa. Kale naababinga mu mwezi mulala guti.

Luka 14:32

Era bw'abona nga tasobola agheereza mangu obukwenda ng'ole akaali ghala yaamusaba baisanie.

Luka 19:13

Ng'akaali kuja yaayeta abagheereza be ikumi yaabagha mina ikumi yaabakoba ati, ‘Mudhisuubuze okutuusa lwe ndiira.’

Luka 19:15

“Bwe yaira ng'amaze okufuulibwa kyabazinga, yaakoba bamwetere abagheereza be, be yalekera mina, amanhe kye baafunamu mu kusuubula.

Luka 19:27

Ate abo abazigu bange abataayenda mbafuge, mubaleete ghano mubaite nga mbona.’ ”

Yoanne 1:11

Yaidha mu babe, aye abantu be beene baaloba okumusangaalira.

Yoanne 15:18

“Oba nga ensi ebakyagha, muteerabira nga ninze ensi ye yasooka okukyagha.

1 Samueli 8:7

Musengwa Katonda yaamwiramu ati: “Wulirisa ebintu byonabyona abantu bye bali kukukoba, kuba ti niiwe ye balobye, aye ninze ye balobye okuba kyabazinga waibwe.