Luka 18:7 - Baibuli Ekibono kya Katonda 2014

⁷ Memale obwo Katonda bw'atalitawulula abalonde be abamusaba omusana n'obwire? Mbo bw'alirwa okubayamba?

Luka 18:7 ပူးပေါင်းရင်းမြစ်များ

Zabbuli 88:1

Wo Musengwa Katonda wange, omusana nkulirira n'obwire naakweghemba oidhe ondokole.

Zabbuli 9:8

Asalira ensi omusango mu butuufu, era asalira abantu omusango nga tasaliriza.

Okuvaayo 22:23

Bw'olibabisa obubi, baja kundirira era zeena mpulire okulira kwaibwe,

Isaia 40:27

Kale imwe baidhukulu ba Yakobo, nkoba imwe Abaisiraeli, lwaki mwemuluguunhia muti Musengwa Katonda tabalumirwa, era muti bwe munhigirizibwa, Katonda waimwe oyo tabafaaku naire?

Habakkuku 2:3

Bighandiike kuba ekiseera kyabyo eky'okutuukirizibwa kikaali. Aye nga kiri kwidha mangu, era bye ndi kukwoleka biri n'okubaagho. Ni bwebiboneka okuba ng'oti biidha mpola, era biteegerere. Tibiriroba kubaagho, era biryangughaku.

Matayo 24:22

Nguli enaku edho tidhaakendeezebwaku, ghazira muntu yandiwonie. Aye ku lw'abalonde enaku edho dhirikendeezebwaku.

Matayo 24:24

kuba ghaliidhagho abantu abeeyeta Kurisito n'abeeyeta abalanzi, era baakola obumanhiso obw'amaani n'ebyewuunhio, nga benda okuwubania n'abalonde, bwe kiba kisoboka.

Matayo 7:11

Kale, oba nga imwe ababi mwidhi okugha abaana baimwe ebirabo ebirungi, Iseimwe ali mu igulu talisingagho inho okugha ebirungi abamusaba?

Luka 11:13

Kale oba imwe, ababi, mwidhi okugha abaana baimwe ebirabo ebirungi, memale Lata waimwe ow'omu igulu! Talisingagho inho okugha Mwoyo Mutukuvu ababa bamusabye?”

Luka 2:37

Yaaba namwandu okutuusa emyaka kinaana n'ena. Yali nga tava mu isinzizo, omusana n'obwire ng'ali ku kugheereza Katonda, kusaba na kusiiba.

Luka 21:28

Ebintu ebyo bwe bitooleranga okubaagho musitukanga mwayemerera, mwalinga ghaigulu kuba okununulibwa kwaimwe kuliba kutuuse.”

Ab'e Roma 8:33

Naani alivunaana abalondemu ba Katonda, Katonda mwene bw'aba nga tabavunaana?

Ab'e Kolosai 3:12

Kale nga bwe muli abantu ba Katonda be yalondamu era abagonzi, mubenga n'omwoyo ogw'okusaasira, ekisa, obuteekulumbaza, obugonvu n'okuguminkiriza.

1 Ab'e Thessalonika 3:10

Tumweghemba omusana n'obwire atuganhe okubonaganaku n'imwe maiso ku maiso, olwo twidhuulirize ebikaabulaku mu kwikiriza kwaimwe.

2 Ab'e Thessalonika 1:6

Era Katonda aja kukola ekituufu: aja kuleetera abo ababadaazadaaza badaagedaage,

1 Timotheo 5:5

Oyo aba namwandu mwene liina asigaire yenka, eisuubi lye liba mu Katonda. Afuba okweghembanga n'okusaba Katonda omusana n'obwire.

2 Timotheo 1:3

Neeyanza Katonda oyo ye mpeereza n'omwoyo omunaabuufu, era nga badhaadha bange bwe baakolanga. Kiisi lwemba nga nsaba nkwidhukira era naamusiima.

2 Timotheo 2:10

Kyenva ngumira buli kintu olw'obulungi bw'abalonde, olwo bafune okulokolebwa n'ekitiisa ekitawaagho ebiri mu Kurisito Yesu.

Tito 1:1

Ninze Paulo omugheereza wa Katonda era omutume wa Yesu Kurisito. Natumibwa okugaziya okwikiriza okw'abantu ba Katonda abalonde, n'okubamanhisa amazima ag'endhikiriza etya Katonda,

1 Petero 1:1

Ninze Petero omutume wa Yesu Kurisito. Mpandiikira abo Katonda be yalonda, buti abasansaaniire mu Ponto, Galatia, Kappadokia, Asia ni mu Bithunia, ye bali ng'abanoonia obubudamo.

2 Petero 3:9

Musengwa talwisaagho kutuukiriza kye yasuubiza ng'oti n'abandi bwe balowooza. Aye abaguminkiriza kuba tayenda naire muntu mulala ati kuzikirizibwa. Ayenda abantu boonaboona beenenie, bave mu bibi byaibwe.

Okwolekebwa 18:20

Imwe mwenamwena abali mu igulu musagambe, kuba azikiriziibwa! N'imwe abatuukirivu, n'abatume, n'abalanzi musagambe! Kuba Katonda amusaliire omusango gwamusinga olw'ebyo bye yabakola.”

Okwolekebwa 6:10

Baayasiikana bati: “Wo Musengwa Aghanga Ebintu Byonabyona, omutukuvu era ow'amazima, olisalira li abantu ab'oku nsi omusango okubasinga, n'obeesasuulizaaku olw'okutwita?”

Okwolekebwa 7:15

Kyebava ni baba gha mberi gh'ekityamo kya Katonda, ni bamugheereza omusana n'obwire mu isinzizo lye. Era oyo atyaime ku kityamo eky'obwakyabazinga anaabanga nabo ng'abakuuma.