Luka 18:31 - Baibuli Ekibono kya Katonda 2014

³¹ Agho Yesu yaatwala Eikumi n'Ababiri gha mbali, yaabakoba ati: “Buti tuli kuniinaniina e Yerusalemu era ebintu byonabyona ebyaghandiikibwa abalanzi ebigema ku Mwana w'Omuntu bija kutuukirira.

Luka 18:31 ပူးပေါင်းရင်းမြစ်များ

Danieli 9:26

Ng'emyaka enkaaga n'ebiri emikuzi omusanvu gibiseegho, omukulembeze omulonde wa Katonda aja kwitibwa, aye ng'aziraku musango. Ghalibaagho omufuzi ow'amaani aliidha n'eigye lye, yaazikiriza ekibuga n'eisinzizo. Enkomerero ye eriba ng'oti maadhi ga mwiga ogubanze. Era ghalibaagho olutalo n'okuzikirizibwa.

Zekaria 13:7

Musengwa Katonda Afuga Amagye akoba ati: “Iwe empiima yange situkiramu, ja olumbe omwayi wange andhayira entaama. Ita omwayi oyo entaama dhisansaane. Nze mwene ndirumba abantu bange.

Matayo 16:21

Okuva ku olwo Yesu yaatoolera okulaga Abeegeresebwa be ati ali n'okuja e Yerusalemu, n'okudaazibwadaazibwa einho abakulu ab'ebika, Bakabona Abakulu, n'Abanamateeka, era bamwite, ate azuukire ku lunaku olwokusatu.

Matayo 27:63

Baakoba bati: “Musengwa twidhukiire ng'omuguya oyo bwe yali ng'akaali mulamu yakoba ati, ‘Nga ghabiseegho enaku isatu ndizuukira.’

Mariko 8:9

Abaalya baali ng'oti nkumi ina (4,000).

Luka 10:30

Yesu yaamwiramu ati: “Ghaaligho omuntu eyali aikirira okuva e Yerusalemu okuja e Yeriko yaagwa mu banhazi, baamuleka bwereere, baamukuba era baamuleka ng'aziriike.

Luka 9:22

Era yaabakobera ati: “Omwana w'Omuntu taliroba kudaazibwadaazibwa inho. Abakulu ab'ebika, Bakabona Abakulu, n'Abanamateeka, balimwegaana era aliitibwa, ate ku lunaku olwokusatu alizuukira.”

Luka 9:51

Agho enaku dha Yesu edh'okutwalibwa mu igulu bwe dhaatuuka, Yesu yaamalirira okuja e Yerusalemu.