Luka 18:13 - Baibuli Ekibono kya Katonda 2014

¹³ Aye omughooza w'omusolo, yaayemerera ghalaku era nga tayenda na kusitulira maiso eri eigulu, yeekuba mu kifuba bw'akoba ati, ‘Katonda wange, nsaasira nze omwonooni!’

Luka 18:13 ပူးပေါင်းရင်းမြစ်များ

2 Samueli 12:13

Agho Daudi yaakoba Nathani ati: “Nakola ekibi naasungughaza Musengwa Katonda.” Nathani yaamukoba ati: “Musengwa Katonda akusoniighe toidha kufa.

2 Ebyomubyanda 33:19

Ate ebigema ku ebyo Manasse bye yasaba Katonda, n'ebyo Katonda oyo bye yamwiramu olw'okusaba okwo, n'ebibi ghalala n'ebisobyo byonabyona bye yakola, n'ebifo ebigulumivu bye yazimba okusinzizangamu, n'ebifaananie eby'omusambwa omukazi Ashera bye yataagho, n'ebisinzibwa ebitali Katonda bye yasinzanga ng'akaali kugonda kwenenia, byonabyona byaghandiikibwa mu Byafaayo eby'abalanzi.

2 Ebyomubyanda 33:23

Yaaloba kugonderanga Musengwa Katonda nga lata we Manasse bwe yakolanga, aye yeeyongeranga bweyongere kukola bibi.

Ezera 9:6

“Wo Katonda wange, nswaire inho era ensoni dhiri kungema okusitula amaiso ninge y'oli, iwe Katonda wange kuba ebibi byaife byebunze emungo etusinga n'obuleeyi, n'emisango gyaife gyebunga emungo etuuka ni ku igulu.

Yobu 42:6

Kale ni neemenhie era neenenia naatyama mu nkungu ni mu ivu.”

Zabbuli 106:6

Ife, ni badhaadha baife twayonoona; twakola ebibi ebitasaana.

Zabbuli 119:41

Wo Musengwa Katonda, ndaga nga bw'ongonza einho, ondokole nga bwe wansuubiza.

Zabbuli 130:7

Imwe Abaisiraeli, mwesigenga Musengwa Katonda, kuba abagonza obutalekera era buliidho mwetegefu okubanunula.

Zabbuli 25:11

Wo Musengwa Katonda, ku lw'obulungi obw'eriina lyo nsonigha ebibi byange, kuba biri kamaala inho.

Zabbuli 25:7

Otaidhukira bibi byange na bisobyo byange eby'omu, buto aye olw'okugonza kwo okungi, n'olw'obulungi obw'eriina lyo, nze ondidhukiranga.

Zabbuli 40:12

Ebizibu kamaala bineezungulwire, tibibalika na kubalika. Ebibi byange bimbitiriireku obungi, buti tibinganha na kubona. Obungi bwabyo businga enviiri edhiri ku mutwe gwange, n'amaani gampoiremu.

Zabbuli 41:4

Nze naakoba nti: “Wo Musengwa Katonda idha ondhune, ndidhi nga nayona, naakusungughaza, aye mala gamponia.”

Okuvaayo 33:10

Era abantu bwe baabonanga ekire ekiri ng'oti mpango nga kyesimbye gha mulyango ogw'Eweema eyo, ng'abantu boonaboona basituka, nga basinza nga buli muntu ali gha mulyango ogw'eweema ye.

Isaia 1:18

Musengwa Katonda akoba ati: “Kale ni mwidhe twogere ku bintu ebyo twisanie. Ebibi byaimwe ni bwe biba nga byabamyusa bwe myu myu myu, ndidha kubanaaza mutukule ng'oti mugozi; era ebibi ebyo ni bwe biba nga byabafuula ba kasaayisaayi omugemu, ndidha kubaamula mube beeru ng'oti n'enhonhi dhe beeta enhange.

Isaia 6:5

Naakoba nti: “Nkagwireku era nfiire nze, kuba kiisi kye ndhogera tiikirongoofu, era n'abantu be ndimu bye boogera tiibirongoofu. Aye ate nze mwene mboine Kyabazinga Musengwa Katonda Afuga Amagye.”

Isaia 66:2

Ebintu byonabyona ninze nabikola n'engalo dhange. Kale byonabyona byange. Aye omuntu ye nsangaalira n'oyo omuwombeefu era eyeeneniiza, antaamu ekitiisa era n'akola bye ndagira.”

Ezekieli 16:63

Era ndikusonigha ebyo byonabyona bye wakola, aye waabiidhukiranga ensoni dhaakugema, nga tosobola kwogera kintu kyonakyona olw'okuswala.” Musengwa Katonda atyo bw'akobye.

Danieli 9:5

“Ife twakola ensobi, twayonoona, era twakola ebibi. Twadheema, era twakyuka twava ku mateeka go, ni ku by'otulagira.

Matayo 10:3

Filipo ni Barutholomayo, Thomasi ni Matayo omughooza, Yakobo mutabane wa Alufaayo ni Thaddaayo,

Matayo 6:5

“Bwe mubanga nga musaba mutabanga ng'abakuusa kuba benda okusaba nga beemereire mu sinagoga ni mu maagaanana ag'enguudo, abantu bababone bwenebwene mbakobera nti empeera yaibwe bagifunie.

Matayo 9:13

Kale muje mwege amakulu ga kino, ‘Ekisa kye nhenda aye ti misengo.’ Tinaidha kweta batuufu, aye aboonooni.”

Mariko 11:25

“Era buli lwe musaba, bweghabaagho ye muliku ekibono, mumusonighenga, olwo Lata waimwe ali mu igulu yeena abasonighe ebisobyo byaimwe. [

Luka 17:12

Bwe yali aja okungira mu kabuga, yaayagaanana n'ab'endwaire ey'ebigenge ikumi, era baayemerera nga ghakaabulayo akata,

Luka 22:41

Yaabaleka agho yeeyongerayooku akata nga gh'otuusa okusuula eibaale,

Luka 23:48

Era n'ebiyindi eby'abantu abaidha okwerolera bwe baabona ebibairegho bairayo eka nga beewumbye.

Luka 5:8

Simoni Petero bwe yabona atyo yaagwa ku bikiryaivu bya Yesu yaamukoba ati: “Musengwa ndeka kuba nze ndi mwonooni!”

Ebikolwa by'Abatume 2:37

Ebyo bye baawulira byabafumita ku myoyo, baakoba Petero n'Abatume abandi bati: “Baganda baife, tukole ki?”

Ab'e Roma 5:8

Aye Katonda ayolekera irala nga bw'atugonza, kuba bwe twali nga tukaali mu bibi byaife, Kurisito yatufiirira.

2 Ab'e Korintho 7:11

Kale mwena mubone okulumwa kwaimwe nga Katonda bwe yayenda bye kwabaleetera: Mufuba inho okugondhoola ensonga, mwawulira enaku olw'okusobya kwaimwe, mutya inho, mwenda inho okumbonaku, munuyirira okugheereza Katonda, era mwamalirira okubonereza buli akola ekibi. Mu byonabyona mweyoleike nga muziraku musango gwonagwona.

1 Timotheo 1:15

Ekibono kino kituufu kyene era kigwaine okwikiriza, ekikoba kiti: Kurisito Yesu yaidha mu nsi okulokola aboonooni. Era mu abo nze ndi mberi wa boonaboona.

Abaheburayi 4:16

Kale ni tuseete kumpi n'ekityamo eky'ekisa kya Katonda nga tuli bagumu, memale atusaasire era atugemerwe ekisa kiisi lwe tuba nga twetaaga okubeerwa.

Abaheburayi 8:12

Ndibasonigha okwonoona kwaibwe, n'ebibi byaibwe tiribiidhukira naire.”