Luka 18:11 - Baibuli Ekibono kya Katonda 2014

¹¹ Omufarisaayo yaayemerera yaasaba mu mwoyo gwe ati, ‘Katonda wange nkwebaza, kuba tiri ng'oti n'abantu abandi, abanhazi, abazira mazima, abenzi era tiri ng'oti n'omughooza w'omusolo oyo.

Luka 18:11 ပူးပေါင်းရင်းမြစ်များ

Zabbuli 134:1

Mwidhe tusaake Musengwa Katonda, imwe mwenamwena abagheereza ba Musengwa Katonda ababa mu ndhu ye obwire nga mugheereza. Musaake Musengwa Katonda.

Zabbuli 135:2

Musaake Musengwa Katonda imwe ababa mu ndhu ye mu luya olw'endhu ya Katonda waife.

Ensambo 20:6

Abantu kamaala beesuuta okuba ab'ekisa, aye omwesigwa naani asobola okumuzuula?

Ensambo 30:12

Ghaligho abeerowooza okuba abalongoofu, aye nga baidhwire bibi.

Isaia 1:15

Agho ni, bwe munaayandhuluzanga emikono gyaimwe nga muneeghemba, tiidhanga kubalingaku; ni bwe munansabanga einho mutya, tiidhanga kubawulirisa; kuba engalo dhaimwe dhisaabaine musaayi.

Isaia 58:2

Buli kaakyeire beekoza, baidha bansinza, era baayoleka nga bwe benda einho okumanha bye nkoba n'okugema ebiragiro byange; baaba ng'oti n'eighanga eriri agho erikola ebituufu, eritavangaku ku biragiro byange. Era bansaba mbaghe amateeka ag'okukola mu butuufu ni mu mazima, nga bakoba nga bwe kibasangaaza einho okunsinza nze Katonda.

Isaia 65:5

Bakoba banaibwe bati, ‘Mwemerere ere ghala, mutatuseetaku. Ife baatulondamu, tituli ng'oti niimwe.’ Aye nze tisobola kuguminkiriza bantu bali ng'oti n'abo. Bangemya obusungu obwokya ng'oti muliro ogutazikira.

Yeremia 2:28

“Mpegaano emisambwa gyaimwe gye mwekolera giri gha? Kale ka gisituke gibalokole mu biseera ebizibu, bwe giba nga gisobola. Imwe abantu b'omu Buyudaaya, muli n'emisambwa egyagayaga n'ebibuga byaimwe obungi.

Yeremia 2:35

era mukoba muti, ‘Tuziraku musango. Bwenebwene Musengwa Katonda takaali na busungu ku ife.’ Aye nze Musengwa Katonda imwe ndidha kubabonereza, kuba mukoba muti timukolanga kibi naire.

Ezekieli 33:31

Olwo nga baidha y'oli bya bulungi ng'abantu bange, era nga bawulira by'obakoba, aye baaloba kubikola. Booleka nga bwe bali n'okugonza okungi, mu bibono bubono bye boogera. Aye ng'emyoyo gyaibwe giri ku bya kufuna.

Mika 3:11

Abakulembeze baamu bagulirirwa nguzi memale baalamula. Bakabona baamu tibeegeresa mateeka ga Katonda okutoolaku nga bapangisiibwa. Era waire abalanzi baamu, boona bamala kugheebwa mpiiya memale baakoba okwolekebwa kwaibwe. Ate nga boonaboona beefuula okuba nga beesigama ku Musengwa Katonda, era baakoba bati: “Ghazira kabi koonakoona kaja kututuukaku kuba Musengwa Katonda ali n'ife.”

Matayo 10:3

Filipo ni Barutholomayo, Thomasi ni Matayo omughooza, Yakobo mutabane wa Alufaayo ni Thaddaayo,

Matayo 5:20

Ka mbakobere: okutoolaku ng'obutuufu bwaimwe busingaku obw'Abanamateeka n'Abafarisaayo, timulingira mu Bwakyabazinga bwa mu igulu.

Matayo 6:5

“Bwe mubanga nga musaba mutabanga ng'abakuusa kuba benda okusaba nga beemereire mu sinagoga ni mu maagaanana ag'enguudo, abantu bababone bwenebwene mbakobera nti empeera yaibwe bagifunie.

Mariko 11:25

“Era buli lwe musaba, bweghabaagho ye muliku ekibono, mumusonighenga, olwo Lata waimwe ali mu igulu yeena abasonighe ebisobyo byaimwe. [

Luka 20:47

abakaavuula eby'omu ndhu dha banamwandu, baalwagho nga basaba nga beeraga. Ekibonerezo kyaibwe kirisingaku eby'abandi.”

Luka 22:41

Yaabaleka agho yeeyongerayooku akata nga gh'otuusa okusuula eibaale,

Ab'e Galatia 3:10

Abo abeesigama ku kukola ng'Amateeka bwe galagira bakolimirwe, kuba ebyaghandiikibwa bikoba biti: “Omuntu yeenayeena ataatuusenga buliidho ebyo byonabyona ebyaghandiikibwa mu kitabo kino eky'Amateeka, akolimirwe!”

Ab'e Filippi 3:6

Nali nga nhiinkiira okukiriga Ekikunsu ky'Abaikiriza mu Kurisito ate mu butuufu obuva mu kugema amateeka, nga nziraku nsobi.

Okwolekebwa 3:17

Okoba oti, ‘Ndi mukombe, ndi bukalamu, nzira kye ndhulirira’, waaloba kumanha ng'oli mughafu asaasirwa, omwavu, omutulu era ali ekidu.