Luka 17:25 - Baibuli Ekibono kya Katonda 2014

²⁵ Aye ateekwa okusooka okudaazibwa einho, n'okwegaanibwa ab'oluse luno.

Luka 17:25 ပူးပေါင်းရင်းမြစ်များ

Isaia 53:3

Abantu baamunhooma era baamulekulira agho. Enaku yaamuluma nga ghazira ayenda kumulingaku. Atyo bwe yanhoomebwa, twaloba kumutaamu kanhagansi naire.

Matayo 16:21

Okuva ku olwo Yesu yaatoolera okulaga Abeegeresebwa be ati ali n'okuja e Yerusalemu, n'okudaazibwadaazibwa einho abakulu ab'ebika, Bakabona Abakulu, n'Abanamateeka, era bamwite, ate azuukire ku lunaku olwokusatu.

Matayo 21:42

Agho Yesu yaabakoba ati: “Timusomangaku kino ekyaghandiikibwa kiti, ‘Eibaale abazimbi lye baaloba bati lizira mugaso, n'eryafuuka empango ey'omusingi mu nsonda. Ekyo Musengwa n'eyakikola, era okukibona tukyewuunhia.’

Mariko 10:33

“Mwetegereze, buti tuli kuja e Yerusalemu, Omwana w'Omuntu aidha kugheebwayo ye Bakabona Abakulu ni y'Abanamateeka. Abo baidha kumughaayo eri abamaghanga agandi,

Mariko 12:10

Yaakoba ati: “Timusomanga kino ekyaghandiikibwa kiti, ‘Eibaale abazimbi lye baaloba bati lizira mugaso n'eryafuuka empango ey'omusingi mu nsonda.

Mariko 8:31

Yaatoolera okubeegeresa ng'Omwana w'Omuntu bwateekwa okudaazibwadaazibwa einho, okwegaanibwa abakulu ab'ebika, Bakabona Abakulu, n'Abanamateeka, n'okwitibwa, era nga ghabise enaku isatu azuukire.

Mariko 9:31

Kuba yayegeresa Abeegeresebwa be ati: “Omwana w'Omuntu aja kugheebwayo mu mikono egy'abantu bamwite, era nga ghabise enaku isatu nga bamaze okumwita aidha kuzuukira.”

Luka 18:31

Agho Yesu yaatwala Eikumi n'Ababiri gha mbali, yaabakoba ati: “Buti tuli kuniinaniina e Yerusalemu era ebintu byonabyona ebyaghandiikibwa abalanzi ebigema ku Mwana w'Omuntu bija kutuukirira.

Luka 18:33

Ate nga bamaze okumuwaiga enkoba baidha kumwita, era ku lunaku olwokusatu azuukire.”

Luka 24:46

yaabakoba ati: “Kiti bwe kyaghandiikibwa nti Kurisito ali n'okudaagadaaga era ku lunaku olwokusatu azuukire okuva mu bafu,

Luka 9:22

Era yaabakobera ati: “Omwana w'Omuntu taliroba kudaazibwadaazibwa inho. Abakulu ab'ebika, Bakabona Abakulu, n'Abanamateeka, balimwegaana era aliitibwa, ate ku lunaku olwokusatu alizuukira.”

Yoanne 1:11

Yaidha mu babe, aye abantu be beene baaloba okumusangaalira.

Yoanne 12:38

Isaia omulanzi kye yakoba kyatuukirira, bwe yakoba ati: “Musengwa, naani eyaikiriza obukwenda bwaife? Naani Musengwa ye yayoleka amaani ge?”

1 Samueli 10:19

Aye olwaleero muviire ku Katonda waimwe abawonia ebibamba n'ebizibu ebibagwira. Era munkobye mbateeregho kyabazinga abafuge. Kale ni, buti mwesoloze nga muli munda dhaimwe ni mu bika byaimwe.’ ”

1 Samueli 8:7

Musengwa Katonda yaamwiramu ati: “Wulirisa ebintu byonabyona abantu bye bali kukukoba, kuba ti niiwe ye balobye, aye ninze ye balobye okuba kyabazinga waibwe.