Luka 17:16 - Baibuli Ekibono kya Katonda 2014

¹⁶ era yaatuuka yeeyala ku itaka agho gha bigere bya Yesu nga yeeyanza. Era ono yali Musamaria.

Luka 17:16 ပူးပေါင်းရင်းမြစ်များ

Amainhama 17:3

Aburamu yaakutama n'ekyeni kyatuuka ku itaka. Katonda yaamukoba ati:

Matayo 10:5

Bano Eikumi n'Ababiri Yesu be yatuma, yaabalagira ati: “Mutajanga mu biketezo bya bamaghanga gandi, era mutangiranga mu bibuga bya Basamaria.

Matayo 2:11

Agho baingira mu ndhu, baabona omwana ghalala n'inhina Maria, beeyala ku itaka baamusinza era baasibulula ebitereke byaibwe baamugha ebirabo: Zaabu, obubbaani ni mirra.

Mariko 5:33

Omukazi yaatya era yaadhugumira, ng'ategeire ekimukoleirwa. Yaidha yaakuba amakiryaivu agho mu maiso ga Yesu yaamukobera byonabyona nga bwe byali.

Luka 17:17

Agho Yesu yaakoba ati: “Abawonie tibabaire ikumi? Memale omwenda bali gha?

Luka 5:8

Simoni Petero bwe yabona atyo yaagwa ku bikiryaivu bya Yesu yaamukoba ati: “Musengwa ndeka kuba nze ndi mwonooni!”

Yoanne 4:9

Omukazi Omusamaria yaamukoba ati: “Iwe Omuyudaaya oghanga otya okusaba nze Omusamaria amaadhi okunhwa?” Kuba Abayudaaya tibaabanga na nkolagana yoonayoona n'Abasamaria.

Yoanne 5:23

Abantu boonaboona bate mu Mwana ekinhagansi nga bwe bata mu Lata ekinhagansi. Kiisi atata mu Mwana kinhagansi, ni Ise eyamutuma tamutaamu kinhagansi.

Yoanne 8:48

Abayudaaya baakoba Yesu bati: “Tituli batuufu okukoba tuti oli Musamaria era oliku omuzimu omubi?”

Ebikolwa by'Abatume 1:8

Aye mulifuna amaani Mwoyo Mutukuvu lw'alibaidhaku, mwaba badhulizi bange mu Yerusalemu, ni mu Buyudaaya mwonamwona, ni mu Samaria, n'okutuusa ensi y'ekoma.”

1 Ab'e Korintho 14:25

Ebyo by'adhuuba mu mwoyo gwe eby'engiso byerulwa, yaakuba amakiryaivu, yaasinza Katonda ng'akoba ati: “Bwenebwene Katonda ali mu imwe.”

Okwolekebwa 19:10

Agho neeyala gha bigere bye okumusinza. Aye yankoba ati: “Leka otageza kukola ekyo! Nze ndi mugheereza mwino ghalala ni baganda bo abadhulira Yesu. Katonda y'obe osinze.” Kuba amazima Yesu ge yatwoleka n'agagha abalanzi bye bakoba.

Okwolekebwa 4:10

ng'abakulembeze amakumi abiri n'abana (24) beeyala mu maiso g'oyo atyaime ku kityamo eky'obwakyabazinga, baamusinza oyo omulamu ebyanda n'ebyanda. Era engule dhaibwe baadhiisa gha mberi gh'ekityamo nga bakoba bati:

Okwolekebwa 5:14

Ebitonde ebiramu ebina (4) byakoba biti: “Amiina.” Era abakulembeze beeyala baasinza.