Luka 16:8 - Baibuli Ekibono kya Katonda 2014

⁸ “Kale musengwa yaasaaka omughanika oyo atali mwesimbu olw'amagezi ge yasala kuba abaana ab'ensi eno bagezigezi mu ngeri ye bakolaganamu n'ab'oluse lwaibwe okusinga abaana ab'omusana.

Luka 16:8 ပူးပေါင်းရင်းမြစ်များ

Amainhama 3:1

Omusota gwali gwa lugezigezi okusinga ensolo edh'omu nsiko edhindi dhoonadhoona Musengwa Katonda dhe yakola. Agho gwabuuza omukazi guti: “Obwo bwenebwene Katonda yakoba ati mutalyanga kibala kya ku muti gwa mu nimiro waire omulala guti?”

2 Samueli 13:3

Aye Amunoni yali ni mukagwa we nga bamweta Yonadabu mutabane wa Shimea, nga Shimea oyo yali muganda wa Daudi. Yonadabu oyo yali musaadha agetageta ebintu einho ng'amagezi tigamuwaaku.

2 Bakyabazinga 10:19

Kale ni mundhetere abalanzi aba Baali boonaboona, n'abamusinza boonaboona, ni bakabona be boonaboona. Ghatabulagho waire omulala ati, kuba ndi n'omusengo omukologho gwe nja okughaayo eri Baali. Kiisi anaabulagho ku abo aidha kwitibwa.” Aye Yehu yali ali kusala bwa magezi aghange okuzikiriza boonaboona abaali basinza Baali.

Zabbuli 17:14

Wo Musengwa Katonda, kozesa omukono gwo omponie abantu abazira mugabo ghandi, okutoolaku mu bulamu obw'oku nsi. Baiguse okudaagadaaga kwe wabaterekera, ghasigale naghooku okundi okumala okwigusa n'abaana baibwe n'okubasina, ate balekereghooku n'abaidhukulu.

Okuvaayo 1:10

Tuteekwa okubasalira amagezi aganaabasobola balobe kweyongera mu bungi, kuba bwe ghaidhagho olutalo basobola okweyimba ku bazigu baife, baatulwanisa era baalumuka mu Misiri.”

Ensambo 12:8

Omuntu ali n'amagezi abantu bamwogeraku bukalamu, aye ole ali n'ebirowoozo ebyakyama bamunhooma.

Matayo 12:32

Era n'oyo alisala ku Mwana w'Omuntu ekibono alisoniyibwa aye oyo alyogera ekibi ku Mwoyo Mutukuvu, talisoniyibwa, idho ni lule.

Matayo 17:26

Yaakoba ati: “Ku basenze.” Yesu yaamukoba ati: “Ekikoba abataka ba idembe obutagha.

Luka 16:10

Omwesimbu mu bitono einho era aba mwesimbu mu binene, n'oyo atali mwesimbu mu bitono era taba mwesimbu mu binene.

Luka 16:4

Ntegeire eky'okukola abantu okunsangaalira mu ndhu dhaibwe, bwenaaba nga ntooleibwa ku bughanika.’

Luka 16:7

Agho yaakoba owundi ati, ‘Ate iwe eibandha lyo lyaga gha?’ Yaamukoba ati, ‘Ensawo kikumi (100) edh'engaano.’ Yaamukoba ati, ‘Gema ekighandiiko kyo oghandiike kinaana (80).’

Luka 18:6

Agho Musengwa yaakoba ati: “Muwulire omulamuzi oyo omubi bw'akoba.

Luka 20:34

Yesu yaakoba ati: “Abantu ab'ensi eno babayiza ate babayira,

Luka 20:35

aye abo abalibonebwa nga bagwaine okuzuukira n'okwingira mu bulamu obwo tibalibayira era tibalibayiza.

Yoanne 12:36

Mwikirize ekimuliikirira nga mukaali n'ekimuliikirira memale mufuuke abaana ab'ekimuliikirira.” Yesu bwe yamala okwogera ebyo yavaagho yaaja yaabeegisaaku.

1 Ab'e Korintho 3:18

Ghatabangagho muntu yeesubagha mwene. Omuntu yeenayeena mu imwe bwe yeerowooza okuba omugezi, mu magezi ag'ensi, afuuke musiru memale aghange okufuuka omugezi

Ab'Efeso 5:8

kuba eira mwali mu nzikiiza, aye okuva lwe muli bantu ba Musengwa, muli ba butangaavu. Kale mutambule ng'abantu abali mu butangaavu,

Ab'e Filippi 3:19

Ekirisembayo eky'abantu abo kuliba kuzikirira, kuba katonda ye basinza, n'enda dhaibwe. Beesaaka olw'ebyo ebyandibaswaziiza era balowooza bya ku nsi kuno byonka.

1 Ab'e Thessalonika 5:5

Imwe mwenamwena muli bantu ab'obutangaavu era ab'omusana. Tituli bantu ba bwire oba ba nzikiiza.

1 Petero 2:9

Aye imwe muli lulyo lulonde, bakabona aba Kyabazinga, muli ighanga itukuvu era abantu ba Katonda beene. Katonda oyo n'eyabeeta okuva mu nzikiiza okwira mu butangaavu bwe obwewuunhisa einho, yaabalonda okukobera abantu ebyewuninkiriza bye yakola.

1 Yoanne 3:10

Ku kino kw'omanhira abaana ba Katonda n'aba Sitaani. Kiisi atakola bya butuufu oba n'atagonza muganda we oyo aba ti wa Katonda.