Luka 16:19 - Baibuli Ekibono kya Katonda 2014

¹⁹ “Ghaaligho omusaadha omukombe eyavaalanga ebivaalo bya nakasooma nga byakolebwa mu ngoye mpegheevu, era nga buli lunaku yabanga oti ali ku mbaga.

Luka 16:19 ပူးပေါင်းရင်းမြစ်များ

Ensambo 14:24

Amagezi galeetera abagezi okuba abakombe, aye abasiru basirughala busirughale.

Ensambo 31:22

Yeekolera mwene emyebwiko, era yaavaala engoye empegheevu n'edha nakasooma.

Isaia 3:23

n'embonerwamu dhe beeboneramu, n'engoye dhe baaluka ng'oti butimba n'edho empegheevu, n'ebitambaala eby'oku mutwe, n'engoye edh'okweghemberera.

Ezekieli 16:13

Kale waaba nga weenaweena nkudholiige ni zaabu ni feeza, era ng'ovaala engoye empegheevu, n'edha liiri edhaalukibwa obukalamu. Waalyanga emere esinga obulungi, n'omuzigo ogw'ebibala eby'emiti emyoliva, era waanhwanga n'omudheenene ogw'endhuki. Olwo weeyongera okuba omuntu aboneka obulungi einho, waanhirira ng'oti bwa muka kyabazinga.

Ezekieli 16:49

Bona eno, ekibi Sodoma kye yakola ghalala n'ebibuga bye, kyali kwekuluntaza olw'okuba n'emere enhingi, era nga buli kintu kibajiira bukalamu mu miraala, aye ni baloba okuyamba abaavu n'abali mu bwetaavu.

Ezekieli 27:7

Baakola amatanga go mu ngoye edhaalukibwa obukalamu einho edhaavanga e Misiri. Amatanga ago nga n'agakola nga bendera yo. Baakughembaku engoye enungi edh'erangi ya bbululu n'edh'eya nakasooma, okuva mu bizinga eby'e Elisha.

Mariko 15:17

Baamuvaaza olugoye olwa nakasooma, baazingazinga amawa baakola engule baagimuvaaza.

Mariko 15:20

Agho nga bamaze okumudaaza, baamutoolamu olugoye olwa nakasooma, baamuvaaza engoye dhe, baamutwala okumukomerera ku musalaba.

Luka 15:13

Ghaabita enaku ntono omulenzi oyo yaasoloza ebibye byonabyona yaaja eyo mu nsi ey'eghala, yaadiibuulira eyo ebibye nga yeebisa nga bw'abona.

Luka 16:1

Yesu era yaakoba Abeegeresebwa be ati: “Ghaaligho omuntu omukombe eyali n'omughanika we, baamumuseeghera bati ayonoona ebintu bye.

Luka 16:18

“Buli muntu abinga mukazi we n'abayiza owundi aba ayenze, ate omuntu abayiza omukazi oyo iba y'abinze yeena aba ayenze.

Luka 16:20

Ghaabaagho omusaadha omwavu eyali aidhwire amabwa ye baayetanga Lazaro, ng'aba agho ku mulyango ogw'omukombe.

Okwolekebwa 17:4

Omukazi oyo yali avaire ebivaalo eby'ebitiibwa ebya nakasooma n'ebimyufu, ng'ali kutoonha zaabu, n'ebinhere, n'ebikomo eby'amabaale ag'omughendo einho. Yali agemye ekikopo kya zaabu nga kiidhwire ebyenhinhalwa n'eikoodera eby'obwenzi bwe.

Okwolekebwa 18:16

nga bakoba bati: “Okagwireku! Okagwireku iwe ekibuga ekikologho, eyavaalanga ebivaalo ebighegheevu eby'ebitiibwa ebya nakasooma n'ebya kasaayisaayi; ng'otoonha zaabu n'ebinhere, n'ebikomo eby'amabaale ag'omughendo.

Okwolekebwa 18:7

Ye yakomya okwesaaka n'okwedhalabya, mwena ye mube mukomye okumudaaza n'okumuliza enaku; kuba yeesuuta mu mwoyo ati: ‘Ninze kyabazinga omukazi, tiri namwandu, era tirimanha bughafu naire.’

Abalamuzi 8:26

Empeta dhe yafuna dhaazitogha kilo kumpi amakumi abiri, nga tobaliireeku byamadholobera byakolebwa mu bifaananie ebiri ng'oti mwezi ogwakaboneka, n'ebinhere eby'omu nkoto, n'engoye dha nakasooma bakyabazinga ab'e Midia dhe baali nga bavaire, n'endhegere edhaali mu nkoto edh'engamiya dhaibwe.