Luka 16:15 - Baibuli Ekibono kya Katonda 2014

¹⁵ Aye yaabakoba ati: “Niimwe abeerongoosa mu maiso ag'abantu aye Katonda aidhi emyoyo gyaimwe kuba abantu kye basuuta, Katonda akyenhinhala.

Luka 16:15 ပူးပေါင်းရင်းမြစ်များ

1 Ebyomubyanda 29:17

Era ndidhi nga iwe Katonda wange oleba omwoyo gw'omuntu, waasangaalira omwesimbu. Zeena ni mpaireyo ebintu bino byonabyona kyeyendere n'omwoyo omwesimbu. Era mperaano mboine abantu bo abali ghano nga baleeta y'oli ebigheebwayo ekyeyendere era nga basangaavu.

2 Ebyomubyanda 6:30

bawulirenga eyo y'oli mu igulu, era obasonighenga. Kiisi muntu omukoleranga ku bibye nga bw'agwaniire, kuba iwe wenka, niiwe oidhi emyoyo gy'abantu.

Zabbuli 10:3

Omukozi w'ebibi yeesaakiriza olw'okwegomba kwe okubi, era omuntu oyo agwidhubanira eby'okufuna, ayogera bubi ku Musengwa Katonda era yaamunhooma.

Zabbuli 49:13

Bino n'ebituuka ku basiru abeesiga amagezi gaibwe, era eno n'enkomerero y'abo ababona ng'ebintu bye bali nabyo bya makulu inho:

Zabbuli 49:18

Waire nga yeebala okuba ow'enkabi ng'akaali mulamu, era waire ng'asaakibwa olw'ebintu okumujiira obukalamu,

Zabbuli 7:9

Wo Katonda wange, oli mutuufu era weekebeedha emyoyo n'ebidhuubo eby'abantu. Lekeza ababi okukola obubi, oghe abo abakola obulungi okuba obukalamu.

Ensambo 16:5

Musengwa Katonda yeenhinhata kiisi eyeekuluntaza, era ekikakafu kiri nti taliroba kumubonereza.

Ensambo 20:6

Abantu kamaala beesuuta okuba ab'ekisa, aye omwesigwa naani asobola okumuzuula?

Ensambo 21:2

Ole asobola okwebona nga by'akola bituufu, aye Musengwa Katonda n'abona ebigendererwa eby'omuntu oyo.

Yeremia 17:10

Nze Musengwa Katonda neekebeedha ebidhuubo by'abantu era naaleba emyoyo gyaibwe. Ngabira buli muntu nga njiira ku neebisa ye ni ku bikolwa bye.”

Malaki 3:15

Mu kubona okwaife, abo abeetwala okuba aba ghaigulu n'abafuna enkabi. Era abakozi b'ebibi tibakoma ku bintu kubajiira bukalamu kyonka, aye ni bwe baleba Katonda ghazira kibakolebwaku naire.’ ”

Matayo 23:5

Era mu byonabyona bye bakola benda abantu bababone, kuba bagaziya fulakiteria dhaibwe, baaleeya amadhwenge ag'ebivaalo byaibwe.

Matayo 6:16

“Bwe musiibanga, mutadhuunianga ng'abakuusa: Kuba beeyonoona emboneka yaibwe baboneke mu bantu nga basiiba. Bwenebwene ka mbakobere, abo empeera yaibwe bagifunie.

Matayo 6:2

“Kale ni bw'ogabiranga abaavu, otajanga ng'ofuuwa magwala, ng'abakuusa bwe bakola mu sinagoga ni mu nguudo, nga benda abantu babaghe ekitiisa. Bwenebwene mbakobera, nti empeera yaibwe bagifunie.

Matayo 6:5

“Bwe mubanga nga musaba mutabanga ng'abakuusa kuba benda okusaba nga beemereire mu sinagoga ni mu maagaanana ag'enguudo, abantu bababone bwenebwene mbakobera nti empeera yaibwe bagifunie.

Luka 10:29

Aye ole olw'okwenda okulaga ati ky'abuuziiza kya makulu, yaakoba Yesu ati: “Muntu munange naani?”

Luka 11:39

Aye Musengwa yaamukoba ati: “Imwe Abafarisaayo, muja mwatukuza ku ngulu okw'ekikopo n'esowaani ate nga munda mwaimwe mwidhwire obukambuzi n'obubi.

Luka 18:11

Omufarisaayo yaayemerera yaasaba mu mwoyo gwe ati, ‘Katonda wange nkwebaza, kuba tiri ng'oti n'abantu abandi, abanhazi, abazira mazima, abenzi era tiri ng'oti n'omughooza w'omusolo oyo.

Luka 18:14

Ka mbakobere: Omughooza w'omusolo ono yairayo ewuwe nga mutukuvu mu maiso ga Katonda okusinga ole kuba buli eyeetwala ati wa ghaigulu aja kwisibwa era buli eyeetwala nga wa ghansi aja kutwalibwa nga wa ghaigulu.”

Luka 18:21

Ole yairamu ati: “Ebyo byonabyona nabigema okuva mu buto.”

Luka 18:9

Agho, abo abaali beidhi nga batukuvu era nga banhooma abandi boonaboona, yaabakobera olufumo luno:

Luka 20:20

Kale baagunirira baasasula abantu empiiya ab'okumuleba, abeefuula abeesimbu ate nga baayenda kumugemekeza mu by'ayogera, basobole okumughaayo mu mikono egy'ab'obuyinza.

Luka 20:47

abakaavuula eby'omu ndhu dha banamwandu, baalwagho nga basaba nga beeraga. Ekibonerezo kyaibwe kirisingaku eby'abandi.”

Yoanne 2:25

Kyali tikyetaagisa kubaagho amukobera ebifa ku muntu, kuba yali ng'aidhi ebiri mu myoyo egy'abantu.

Yoanne 21:17

Kabiri Yesu yaamubuuza omukuzi ogwokusatu ati: “Simoni mutabane wa Yoanne, ongonza?” Petero yaanakughala olwa Yesu okumubuuza omukuzi ogwokusatu ati: “Ongonza?” Era yaamukoba ati: “Musengwa, oidhi byonabyona, oidhi nga nkugonza.” Yesu yaamukoba ati: “Liisanga entaama dhange.

Ebikolwa by'Abatume 1:18

Ono ni empeera ey'ekibi yagigulamu ekibandha, mwe yagwa n'ayabikamu aghabiri n'ebyenda ni biyuyika.

Ebikolwa by'Abatume 1:24

Agho baasaba bati: “Musengwa, oidhi ebiri mu myoyo egy'abantu boonaboona, ku bano bombi tulage y'olonze,

Ebikolwa by'Abatume 15:8

Katonda aidhi ebiri mu myoyo gy'abantu, yakakasa ekyo yaabagha Mwoyo Mutukuvu nga twena bwe yamutugha.

Ab'e Roma 3:20

Mu maiso ga Katonda ghazira muntu ni bw'aba mulala ati alibalwa kuba mutuukirivu olw'okukola ebiri mu Mateeka, kuba ku Mateeka abantu kwe bamanhira nga boonooni.

Ab'e Roma 8:27

Era Katonda akebera emyoyo gy'abantu era aidhi Mwoyo ky'adhuuba, kuba Mwoyo n'ayogererayo abantu ba Katonda, nga Katonda bw'asiima.

1 Ab'e Korintho 4:5

Kale mutasaliranga muntu yeenayeena musango nga ekiseera kikaali kutuuka ekya Musengwa waife okwidha. Oyo alita mu butangaavu ebintu ebigise mu nzikiiza, era alitoolayo ebidhuubo ebigise mu myoyo gy'abantu byamanhibwa. Olwo ni buli muntu yaasiimibwa Katonda.

1 Petero 3:4

Aye bubenga mu mwoyo munda, n'omube mube eky'omughendo ekitayonooneka eky'obuwombeefu n'emiraala. Bino bya mughendo inho mu maiso ga Katonda.

1 Petero 5:5

Mu nsambo n'endala imwe abato mubenga bawulize eri abakulu mu myaka. Mwenamwena mubenga bawombeefu, nga kiisi mulala agheereza mwine. Kuba ebyaghandiikibwa bikoba biti: “Katonda atakania abeekudumbaza, aye abeewooya abooleka ekisa.”

Okwolekebwa 2:23

Era abaana be ndibaita, Ebikunsu eby'Abaikiriza mu Kurisito byonabyona bimanhe nga ninze aidhi kiisi muntu by'alowooza mule ni by'ayenda okukola. Era kiisi mulala ku imwe ndimugha ekigwaniire ebikolwa bye.

1 Samueli 16:7

Aye Musengwa Katonda yaakoba Samueli ati: “Otalingirira mboneka ye oba buleeyi bwe, kuba oyo mmulobye. Musengwa Katonda tabona ng'oti n'abantu bwe babona, kuba abantu balingirira mboneka ya ku ngulu, aye Musengwa Katonda alingirira mwoyo.”