Luka 15:28 - Baibuli Ekibono kya Katonda 2014

²⁸ “Aye omulenzi omukulu yaanakughala era nga tayenda na kwingira. Kale ise yaafuluma yaamweghemba angire.

Luka 15:28 ပူးပေါင်းရင်းမြစ်များ

Isaia 65:5

Bakoba banaibwe bati, ‘Mwemerere ere ghala, mutatuseetaku. Ife baatulondamu, tituli ng'oti niimwe.’ Aye nze tisobola kuguminkiriza bantu bali ng'oti n'abo. Bangemya obusungu obwokya ng'oti muliro ogutazikira.

Isaia 66:5

Imwe abafuba einho okugondera Musengwa Katonda by'alagira ni mubikola, muwulire Musengwa Katonda oyo ky'akoba: “Olw'okuba muli beesigwa ye ndi, abandi ku bantu baimwe beene babakyagha era baababingagania, nga babayeeyereza bati, ‘Musengwa Katonda leka abawonie ayolese nga bw'ali ow'ekitiisa, tuboneku nga bwe musagamba.’ Aye beene n'abaliswazibwa.

Yeremia 35:16

Baidhukulu ba Yonadabu mutabane wa Rekabu baagondera ekiragiro dhaadha waibwe kye yabagha, aye abantu imwe mwadheema okukola bye mbalagira.

Yona 4:9

Aye Katonda yaamubuuza ati: “Bwenebwene oli mutuufu okusungughala olw'ekimera ekifiire?” Yona yairamu ati: “Ndi mutuufu, era nsungughaire ekiimala, nhenda kufa.”

Matayo 20:11

Olwagifuna beemuluguunhiza mwene ghaka bati:

Mariko 1:40

Ghaabaagho omuntu ow'endwaire ey'ebigenge, yaidha ye Yesu, yaakuba amakiryaivu era yaamweghemba ati: “Bw'oyenda oghanga okumponia.”

Luka 13:34

“Yerusalemu, Yerusalemu iwe oita abalanzi n'abakwenda abakugheerezebwa n'obakuba amabaale! Ng'emikuzi kamaala neegomba okusoloza abaana bo aghalala ng'enkoko bw'ekola, aye nga toganha!

Luka 15:2

Abafarisaayo n'Abanamateeka mule baaduuduuma nga bakoba bati: “Ono asangaalira aboonooni era yaalya nabo!”

Luka 15:27

Omugheereza yaamukoba ati, ‘Muke wo n'aize, era lata wo aise ente entototo empiite era ensavu obukalamu, kuba asangaire okumubona nga mulamu.’

Luka 15:29

Aye omulenzi yaakoba lata we ati, ‘Bona eno, emyaka kamaala nga nkugheereza era tikudheemerangaku mu by'ondagira, aye tompangaku waire akabuzi oti nsanhukeku ni bakagwa bange.

Luka 24:47

era nti okwenenia n'okusoniyibwa ebibi, biri n'okukoberwa amaghanga goonagoona mu liina lye, okuviira irala ni mu Yerusalemu.

Luka 5:30

Aye Abafarisaayo n'Abanamateeka baibwe beemuluguunhia, baakoba Abeegeresebwa be bati: “Lwaki mulya era ni munhwa n'abaghooza n'aboonooni?”

Luka 7:39

Aye Omufarisaayo ole eyayeta Yesu bwe yabona, yaakoba mule ati: “Nguli ono abaire mulanzi yaalibaire ng'aidhi omukazi amugemaku ki ky'ali, kuba mwonooni!”

Ebikolwa by'Abatume 13:45

Aye Abayudaaya bwe baabona eikuukuubira ery'abantu, ensaalwa yaabagema, baatakania Paulo bye yayogera era baamuvuma.

Ebikolwa by'Abatume 13:50

Aye Abayudaaya baapikiriza abakazi ab'ekitiisa era abaidhumbiranga eidiini, n'abasaadha abakulu ab'ekibuga, baatoolereza okukiriga Paulo ni Barunaba era baababinga mu kiketezo kyaibwe.

Ebikolwa by'Abatume 14:19

Agho ghaabaagho Abayudaaya abaava mu Antiokia ni mu Ikonio baasendasenda abantu baakuba Paulo amabaale, baamukulula, baamufulumya mu kibuga nga badhuuba bati afiire.

Ebikolwa by'Abatume 14:2

Aye Abayudaaya abaaloba okwikiriza, baata omwoyo omubi mu bamaghanga agandi okukyagha aboluganda.

Ab'e Roma 10:19

Kabiri ka mbuuze: Abantu Abaisiraeli tibaamanha? Musa n'asooka okukoba ati: “Ndibaleetera okugemerwa ensaalwa abantu abatali ighanga; ndibaleetera okusungughalira eighanga erizira magezi.”

2 Ab'e Korintho 5:20

Kale tuli bakwenda ba Kurisito, Katonda b'abitamu okubeeta. Tubeeghembye mu liina lya Kurisito muganhe Katonda abaghe okwisania naye.

1 Ab'e Thessalonika 2:16

nga batwekiika emberi tulobe kukobera abamaghanga agandi ebibono eby'okubalokola. Ekyo buliidho kyaidhuuliriza ebibi bye bakola. Aye ekiviire mu ebyo ni Katonda okubamaliraku ekiruyi kye.

1 Samueli 17:28

Eliabu muganda wa Daudi eyali abasinga boonaboona obukulu, bwe yawulira nga Daudi ali kwogera n'abantu abo, obusungu bwe bwatumbukira ku Daudi oyo ng'oti muliro. Yaamubuuza ati: “Lwaki oidhie ghano? Era entaama edho odhirekeire ani eyo mu irungu? Ndidhi okwepankapanka kwo kw'oli nakwo. Era olwo oidhie kubona lutalo bwe luli.”

1 Samueli 18:8

Agho Saulo yaasungughala inho olw'ebyo bye baakoba. Yaakoba ati: “Daudi bamubaliire mitwalo na mitwalo, aye nze bambalira bwa nkumi dhonka? Agho aba akaasigaiza kufuna ki, okutoolaku obwakyabazinga?”