Luka 15:22 - Baibuli Ekibono kya Katonda 2014

²² Aye ise yaakoba abagheereza be ati, ‘Muleete mangu ekivaalo ekisinga bukalamu mumuvaaze, mumuteeku empeta ku ngalo, mumuvaaze n'engaito.

Luka 15:22 ပူးပေါင်းရင်းမြစ်များ

Amainhama 41:42

Kyabazinga yaatoola ku lwala empeta ye eriku akamanhiso ak'obwakyabazinga, yaagivaaza Yosefu ku lwala. Yaamuvaaza ekivaalo ekighegheevu, era yaamuvaaza mu nkoto omukuufu ogwa zaabu.

Zabbuli 132:16

Bakabona baamu ndidha kubagha enkabi mu bye bakola byonabyona, n'abantu baamu abatya Katonda mbaleetere okukuba emizira olw'eisanhu.

Zabbuli 132:9

Bakabona bo baghe okukolanga ebituufu buliidho; abo abakutya obaghe okukuba emizira olw'eisanhu.

Zabbuli 18:33

yangumya ebigere ku itaka ng'oti bya mpongo, era yangumiza irala eyo ghaigulu mu nsozi.

Zabbuli 45:13

abali n'obukombe obwa buli nsambo. Omumbeedha ali kwingira mu kisaagaati kya kyabazinga, aboneka bulungi inho, ebivaalo bye byakolebwa mu zaabu.

Olwembo 7:1

Iwe omughala omumbeedha, ebigere byo nga birungi mu ngaito. Ebiteege byo birungi ng'oti n'amabaale ag'omughendo, agaaseeneibwa omukozi omukugu einho.

Isaia 61:10

Ekibuga Yerusalemu kikoba kiti: “Ndisagamba inho olwa Musengwa Katonda era naasangaala olwa Katonda wange oyo; kuba anvaaziiza obulokozi n'obutuufu ng'oti bivaalo. Ndi ng'oti n'omugole omusaadha ye bavaaziiza engule ku mutwe, era ng'oti n'omugole omukazi ye badholiige n'ebyamadholobera.”

Luka 15:21

Omwana yaamukoba ati, ‘Lata, nayona mu maiso ga Katonda ni mu maiso go, tikaagwanira na kwetebwa mutabane wo.’

Luka 15:23

Muleete n'ente entototo eyo empiite era ensavu obukalamu, mugiite, tulye, tusagambe

Ab'e Roma 13:14

Aye tugeme eby'okulwanisa bya Musengwa waife Yesu Kurisito. Mutaganhanga mubiri kukola kye gwenda.

Ab'e Roma 3:22

buno n'obutuukirivu Katonda bw'agha abantu boonaboona olw'okwikiriza Yesu Kurisito. Kuba mu boonaboona ghazira ndhawulo

Ab'e Roma 8:15

Katonda ti yabagha Mwoyo wa kubasibira mu bwiru na kubaleetera kutya, aye mwagheebwa mwoyo abafuula abaana ba Katonda abasobola okweta Katonda “Abba”, ekitegeeza kiti “Iseife”.

Ab'e Galatia 3:27

Kuba mwenamwena abaabatizibwa mu Kurisito, Kurisito oyo mwamuvaala oti kivaalo.

Ab'Efeso 6:15

Okuba abeetegefu okulangirira Amawulire Amalungi, agaleeta emiraala, kubabeere ng'engaito mu bigere byaimwe.

Amateeka Agokubiri 33:25

Ebibuga byaimwe biigalwenga na ndhigi dha kyuma kigumu inho era na kyuma kya kikomo. Mubenga bagumu obulamu bwaimwe bwonabwona.

Okwolekebwa 19:8

Omugole oyo aikiriziibwa okuvaala ebivaalo ebighegheevu, ebyamule era ebimirimiinha.” Ebivaalo ebighegheevu n'ebikolwa ebirungi eby'abatuukirivu.

Okwolekebwa 2:17

“Ali n'amatu awulire Mwoyo ky'akoba Ebikunsu eby'Abaikiriza mu Kurisito. Oyo aghangula ndimugha ku mannu eyagisibwa, era ndimugha eibaale eryeru okughandiikiibwa eriina eiyaaka eritamanhiibwa muntu wundi yeenayeena, okutoolaku oyo aba alifunie.

Okwolekebwa 3:18

“Kale nkugha amagezi onguleku zaabu alongooseibwa mu muliro osobole okuba omukombe, onguleku ebivaalo ebyeru ovaale owone ensoni edh'okubita ekidu, era onguleku obulezi obw'okusiiga ku maiso go oghange okubona.

Okwolekebwa 6:11

Agho kiisi mulala yaagheebwa ekivaalo ekyeru, era baabakoba okuteegaku akaseera katono, okutuusa omughendo gw'abagheereza banaibwe, era baganda baibwe ab'okwitibwa nga beene, lwe gulighera.

Okwolekebwa 7:9

Ebyo bwe byawa, naabona eikuukuubira ery'abantu abatabalika nga bava mu maghanga goonagoona, ni mu bika byonabyona, ni mu nse dh'abantu dhoonadhoona, ni mu nnimi dhoonadhoona. Baali nga beemereire gha mberi gh'ekityamo eky'obwakyabazinga, ni mu maiso ag'Entaama Ento, nga bavaire ebivaalo ebyeru era nga bagemye n'ensansa.