Luka 15:17 - Baibuli Ekibono kya Katonda 2014

¹⁷ Aye bwe yairamu amagezi yaakoba ati, ‘Ye ng'abakozi ba lata wange balya emere baalekerera! Aye nze naalambukira ghano?

Luka 15:17 ပူးပေါင်းရင်းမြစ်များ

Zabbuli 119:59

Neefumintiriiza ku mpisa dhange, era ndi kukusuubiza okujiiranga ku by'onkoba byonka.

Zabbuli 73:20

Ng'ekirooto bwe kyerabirwa ng'omuntu asitwike, n'iwe Musengwa Katonda weena otyo bw'obeerabira amangu, ng'otooleire okukola ebibyo.

Omulangirizi 9:3

Ekibi ekiri mu byonabyona ebikolebwa ku nsi, kiri nti enkomerero yaabyo byonabyona eri ndala. Mu myoyo gy'abantu abalamu mwidhwire bibi na iralu, era ekisembayo kuba kufa bufe.

Yeremia 31:19

Twakuvaaku twadaaliima, aye mangu ago twamala twenenia. Bwe watubonereza twagonda, twakoteka emitwe nga tuswaire inho. Ensoni dhaatugema twaswala, kuba twatoolera okwonoona nga tukaali bato.’

Okulira 1:7

Mu biseera ebyo eby'okudaazibwadaazibwa, ab'omu Yerusalemu baidhukira ebintu byaibwe eby'omughendo, bye baalinga nabyo mu biseera ebyabita. Baidhukira bwe baaghangulwa abazigu ni ghabula omuntu ababeeraku yeenayeena. Abazigu baibwe abo baabalingirira baabasekerera olw'okughangulwa okwo.

Ezekieli 18:28

kuba olwo aba yeefumintiriiza yaakyuka, yaalekera okukola ebibi byonabyona bye yakola. Bwenebwene talifa, aliba mulamu.

Hosea 2:7

Alirumuukirira abagonzi be, aye talibaagaana. Alibanoonia, aye talibabona. Agho alikoba ati: “Ka nje ndhireyo ye baze wange eyasooka, kuba eyo nabanga bulungi okusinga bwendi mperaano.”

Luka 15:16

Era yeegombanga okulya ku bimere eby'embiidhi, nga ghazira abimugha.

Luka 16:23

Omukombe ng'ali e magombe mu bulumi obungi einho, yaagangamula ku maiso, yaalengera Aburahamu ni Lazaro nga bali ghalala.

Luka 8:35

Abantu baaja okubona ebibairegho, era bwe baatuuka aghali Yesu, baayagaana omusaadha eyavaaku emizimu ng'atyaime agho gha bigere bya Yesu ng'avaire era ng'ategeera bukalamu, baatya.

Ebikolwa by'Abatume 12:11

Agho Petero bwe yamanha ebibairegho yaakoba ati: “Mperaano ntegeereire irala nga Musengwa n'atumye malaika we okuntoola mu mikono gya Herode n'amponia ebyo byonabyona Abayudaaya bye babaire beesumba.”

Ebikolwa by'Abatume 2:37

Ebyo bye baawulira byabafumita ku myoyo, baakoba Petero n'Abatume abandi bati: “Baganda baife, tukole ki?”

Ab'Efeso 5:14

Kyebava bakoba bati: “Zuuka iwe atendwike, zuukira ove mu bafu, Kurisito aidha kukwakira.”