Luka 15:16 - Baibuli Ekibono kya Katonda 2014

¹⁶ Era yeegombanga okulya ku bimere eby'embiidhi, nga ghazira abimugha.

Luka 15:16 ပူးပေါင်းရင်းမြစ်များ

Yobu 30:4

Baanoganga ku bisaka amakaba g'ebimera; emizi egy'akeeyoyeyo gyabanga emere yaibwe.

Zabbuli 142:4

Nninga eno n'ere mbone munange, aye nga ghazira andiku naire, ghazira ye naalumukira, era ghazira muntu yeenayeena anfaaku.

Zabbuli 73:22

Nali musiru era nga nzira kye ndidhi, nga y'oli neebisa ng'oti ndi nsolo busolo.

Isaia 44:20

Omuntu oyo ali ng'oti n'ole alya eivu. Aba yeerimbye era ng'adaaliimye, nga takaasobola kuwonia bulamu bwe, waire okwebuuzaaku mule ati: “Ekifaananie kye ngemye mu ngalo dhange ti kya buguya bwereere?”

Isaia 55:2

Lwaki mumalira empiiya dhaimwe ku ebyo ebitali mere? Lwaki mufaabiikanira ebyo ebitabaigusa? Mumpulirise bukalamu kye nkoba, olwo musobole okulyanga ebyo ebisinga kuba birungi, era mubenga basangaavu.

Isaia 57:3

Aye imwe abalogo, n'imwe abenzi, n'imwe bamalaaya, museete ghano musalirwe omusango.

Okulira 4:5

Abo abaalyanga ebiiwulo ebigwanira okuliibwa bakyabazinga, buti balambukira ku nguudo edh'ekibuga; n'abo abaakuzibwa ng'abaana b'abakombe, buti obaagaana nga bali kwebuguya ku mmungo dh'ebikaba.

Hosea 12:1

“Abaisiraeli bye bakola biziramu muganhulo. Kuli ng'oti n'okwaya empewo eva e buvandhuba, n'ogibingirira olunaku lwonalwona. Beeyongera bweyongere kuguya na kukola bikolwa bya bukambwe. Bakola endagaano ni Assiria, era baasuubulagana ni Misiri.”

Matayo 7:6

“Embwa mutadhighanga bitukuvu, kuba dhisobola okubakyukira dhaabakankada. Ate amabaale ag'omughendo mutagasuuliranga mbiidhi, kuba dhiganiinirira buniinirire.

Luka 15:15

Kye yakola yaaja yaasenga omutaka mulala ow'omu nsi eyo, era oyo yaamugha gwa kwayanga mbiidhi dhe.

Luka 15:17

Aye bwe yairamu amagezi yaakoba ati, ‘Ye ng'abakozi ba lata wange balya emere baalekerera! Aye nze naalambukira ghano?