Luka 13:33 - Baibuli Ekibono kya Katonda 2014

³³ Nteekwa okutambula olugendo lwange olwaleero, n'idho, ni lule, kuba tikisoboka omulanzi okufiira aghatali mu Yerusalemu.

Luka 13:33 ပူးပေါင်းရင်းမြစ်များ

Matayo 20:18

“Bona eno, buti tuli kuniinaniina e Yerusalemu, Omwana w'Omuntu aidha kugheebwayo mu Bakabona Abakulu n'Abanamateeka bamusalire ogw'okufa.

Matayo 21:11

Eikuukuubira lyakoba liti: “Ono ni Yesu omulanzi ow'e Nazarethi mu Galilaaya.”

Luka 9:53

aye tibaamusangaalira kuba yabonekera irala ng'aja Yerusalemu.

Yoanne 11:54

Kale ni Yesu yaalekera okweyaliza mu Bayudaaya, aye yaava agho yaaja mu kiketezo ekiri okumpi n'eirungu mu kibuga ekyetebwa Efuraimu, yaaba eyo n'Abeegeresebwa be.

Yoanne 11:9

Yesu yaabakoba ati: “Olunaku tirubaamu saawa ikumi na ibiri? Omuntu bw'atambula omusana taja nga yeewumya, kuba abona ekimuliikirira eky'ensi eno.

Yoanne 12:35

Yesu yaabairamu ati: “Ekimuliikirira kiriku mu imwe entangama. Mutambule nga mukaali n'ekimuliikirira, tomanha nzikiiza bw'ebaagaana. Kuba atambula mu nzikiiza tamanha y'aja.

Yoanne 4:34

Yesu yaabakoba ati: “Emere yange n'okukola ebyo eyantuma by'ayenda, n'okumala omulimo gwe yampa.

Yoanne 9:4

Tuteekwa okukola eby'oyo eyantuma nga bukaali musana, kuba obwire buli kwidha nga ghazira aghanga kukola.

Ebikolwa by'Abatume 10:38

Katonda yayugha ku Yesu ow'e Nazarethi Mwoyo Mutukuvu n'amaani. Yaatambulanga woonawoona, yaajanga ng'akola ebikolwa ebirungi, ng'awonia boonaboona abadaazibwadaazibwa Sitaani, kuba Katonda yali naye.

Ebikolwa by'Abatume 13:27

Kuba abantu ab'omu Yerusalemu aghalala n'abafuzi baibwe, tibaamanha Yesu nga n'Omulokozi, waire okutegeera ebibono eby'abalanzi ebisomebwa kiisi lwa Sabbato. Aye baatuukiriza ebibono eby'abalanzi bwe baasalira Yesu omusango ogw'okufa.