Luka 13:24 - Baibuli Ekibono kya Katonda 2014

²⁴ “Mufube inho okungirira mu mulyango omufunda, kuba ka mbakobere abantu kamaala baligezaaku okungira aye tibalighanga.

Luka 13:24 ပူးပေါင်းရင်းမြစ်များ

Ensambo 14:6

Omunhoomi ni bw'ayagala amagezi tagafuna, aye omutegeevu ageega mangu.

Ensambo 21:25

Okwegomba okw'omugayaavu n'okumwita, kuba tayenda kukola.

Omulangirizi 10:15

Omusiru by'akola bimukooya inho, yeerabira n'engira eja mu kibuga.

Isaia 1:15

Agho ni, bwe munaayandhuluzanga emikono gyaimwe nga muneeghemba, tiidhanga kubalingaku; ni bwe munansabanga einho mutya, tiidhanga kubawulirisa; kuba engalo dhaimwe dhisaabaine musaayi.

Ezekieli 33:31

Olwo nga baidha y'oli bya bulungi ng'abantu bange, era nga bawulira by'obakoba, aye baaloba kubikola. Booleka nga bwe bali n'okugonza okungi, mu bibono bubono bye boogera. Aye ng'emyoyo gyaibwe giri ku bya kufuna.

Matayo 11:12

Okuva mu byanda bya Yoanne okutuusa buti, Obwakyabazinga obw'omu igulu butwalibwa na maani, era abakozesa amaani n'ababutwala

Luka 13:23

Ghaabaagho eyamubuuza ati: “Musengwa ab'okulokolebwa n'abatono?” Yesu yaabakoba ati:

Luka 21:36

Mulingirire inho ebirigho era musabe, musobole okuwona ebyo ebija okubaagho era n'okwemerera mu maiso g'Omwana w'Omuntu.”

Yoanne 13:33

Baana bange, nkaali n'imwe akaseera katono. Mulindhagala, aye nga bwe nakoba Abayudaaya mwena bwe mbakoba buti, ‘Ye nja timughanga kwidhayo.’

Yoanne 5:4

Kuba ghaalingagho ebiseera malaika mwe yaikiranga mu kidiba n'ataabuula amaadhi, era nga kiisi asooka okwika mu maadhi nga gamaze okutaabuuka, awona kiisi bulwaire bwonabwona bw'aba ng'alwaire.]

Yoanne 6:27

Mutakolereranga mere ewaagho, aye mukolererenga emere etawaagho, etuusa ku bulamu obutawaagho. Eyo n'emere Omwana w'Omuntu yaalibagha. Kuba oyo Katonda Lata yamutaaku akamanhiso.”

Yoanne 7:34

Mulindhagala aye timulimbona, nga ghe ndi timughanga kutuukagho.”

Yoanne 8:21

Yesu kabiri yaakoba ati: “Nze ndidha kuvaagho mulindhagala, era mwafiira mu kibi kyaimwe. Nze ye nja imwe timughanga kujaayo.”

Ab'e Roma 10:3

Kuba bwe bataamanha nsambo Katonda y'aghaamu abantu obutuukirivu, baagundhagho ensambo eyaibwe ku bwaibwe, baaloba kujiira ku nsambo Katonda y'aghaamu obutuukirivu.

Ab'e Kolosai 1:29

Kino kye ntakabanira era ni nfaabiikana, mwene nga n'akolera mu nze n'amaani ge.

Abaheburayi 4:11

Agho ni tufaabiikane okutuuka ku kuwuumula okwo, ghalobe kubaagho agwa olw'obutaikiriza nga bale.

Yoshua 7:3

Bwe baira baakobera Yoshua bati: “Otadaaza bantu boonaboona kuja ere, kuba abantu abaliyo batono bati. Leka abantu ng'enkumi ibiri oba isatu n'ababe baje bakirumbe.”

2 Petero 1:10

Kale ni aboluganda, mufubenga inho okwekalangulira ku kwetebwa Katonda kwe yabeetamu n'okulondebwa kwe yabalondamu, birobe kukyukamu. Bwe mukola mutyo timuja kugwa