Luka 13:17 - Baibuli Ekibono kya Katonda 2014

¹⁷ Bwe yakoba ebyo abaali bamutakania baaswala ate abantu boonaboona baasagamba olw'eby'ekitiisa bye yali akola.

Luka 13:17 ပူးပေါင်းရင်းမြစ်များ

Zabbuli 109:29

Abazigu bange bagwananga baanhoomebwa, baidhula ensoni edhitabavaaku ng'oti kivaalo.

Zabbuli 111:3

Ebyo by'akola biidhwire ekitiisa n'obufuzi, era mutuufu ebyanda n'ebyanda.

Zabbuli 132:18

Abazigu be nja kubaswaza, aye obwakyabazinga bwe buja kusigala nga bukaaligho.”

Zabbuli 40:14

Abo abenda okundhita, baswaze era basoberwe. Abo abenda okuunumya, bairirizeeyo era banhoomebwe.

Okuvaayo 15:11

Wo Musengwa Katonda, mu bakatonda boonaboona, naani ali ng'oti niiwe? Naani ali n'obutukuvu obutiisa ng'oti niiwe? Naani aghanga okukola ebintu ebyewuunhisa era ebyoleka amaani ng'oti niiwe?

Isaia 4:2

Olunaku olwo bwe lulituuka, Musengwa Katonda alireetera ebimera byonabyona n'emiti okuboneka obulungi era nga bya kitiisa. N'ebibala eitaka bye liribaza biriba bikalamu, byawoomera inho abo abaliba bawoniegho mu Isiraeli.

Isaia 45:24

Balikoba bati mu nze Musengwa Katonda mwonka n'omuli obutuufu n'amaani. Aye abo boonaboona abankyagha, ensoni dhiribagema baaswazibwaswazibwa.

Isaia 66:5

Imwe abafuba einho okugondera Musengwa Katonda by'alagira ni mubikola, muwulire Musengwa Katonda oyo ky'akoba: “Olw'okuba muli beesigwa ye ndi, abandi ku bantu baimwe beene babakyagha era baababingagania, nga babayeeyereza bati, ‘Musengwa Katonda leka abawonie ayolese nga bw'ali ow'ekitiisa, tuboneku nga bwe musagamba.’ Aye beene n'abaliswazibwa.

Luka 14:6

Bino byabakaya okubiiramu.

Luka 18:43

Akaseera keene ako yairamu okubona era yaanonereza Yesu nga bw'agha Katonda ekitiisa. Abantu boonaboona bwe baakibona baasaaka Katonda.

Luka 19:48

aye baalemwa okubona eky'okukola kuba abantu boonaboona nga bwe bamuwulirisa, tibenda kulekera.

Luka 20:40

Era okuva olwo tibairayo kukana kumubuuza.

Ebikolwa by'Abatume 4:21

Bwe baamala okwongera okubatiisatiisa baabalekula, nga tibabona ngeri yaakubabonereza, olw'abantu kuba abantu boonaboona baali bagha Katonda ekitiisa olw'ekyo ekyali kibairegho.

2 Timotheo 3:9

Aye tibaidha kutuuka ghala, kuba buli muntu aidha kubona obusiru bwaibwe ng'oti n'obwa Yanne ni Yambure bwe bweyoleka.

Tito 2:8

Kozesanga ebibono ebituufu byene omuntu by'atasobola kubisaamu maiso olwo, abazigu bo baswale olw'okubula ekibi kye basobola okutwogeraku.

1 Petero 3:16

Mubenga baamufu mu myoyo gyaimwe, olwo muswazenga abo ababavuma n'ababoogeraku obubi ku mpisa dhaimwe enkalamu edh'Obukurisito.