Luka 12:48 - Baibuli Ekibono kya Katonda 2014

⁴⁸ Aye oyo ataidhi, bw'akola ekimugwaniza okukubwa, alikubwa mitontono. Buli eyagheebwa ebingi era alibuuzibwa bingi era oyo eyateresebwa ebingi, alisingagho okubuuzibwa.”

Luka 12:48 ပူးပေါင်းရင်းမြစ်များ

Abalevi 5:17

“Omuntu bw'anaakolanga ekibi, n'asobya mu kintu kyonakyona ku ebyo Musengwa Katonda bye yalagira, waire nga taidhi, anaabanga n'omusango, era anaabonerezebwanga.

Okubala 15:27

“Omuntu bw'akolanga ekibi nga tagendereire, aghangayo embuzi enduusi ey'omwaka omulala ng'ekigheebwayo olw'ebibi.

Matayo 13:12

Kuba aliku ni k'ali nako alyongerwaku yaaba na bingi. Aye azira, ni k'ali nako kalimutoolebwaku.

Matayo 23:14

“Mukagwireku Abanamateeka n'Abafarisaayo, abakuusa imwe, mukaavuula eby'omu ndhu dha banamwandu, ate mwasaba esaala edhitakutuka nga mwenda okweraga. Kale ekibonerezo kyaimwe kikakali.]

Luka 12:41

Agho Petero yaakoba ati: “Musengwa, olufumo olwo olufumiire ife oba bantu boonaboona?”

Luka 12:49

“Naidha kukunaania ku nsi muliro, ate nkaayenda ki oba nga gumaze okukunaana?

Luka 16:2

Kyeyava n'amweta n'amukoba ati, ‘Biki bino bye nkuwuliraku? Kale inhonhola ebigema ku bughanika bwo, kuba tokaaghanga kuba mughanika.’

Yoanne 15:22

Nguli tyaidha ni ndhogera nabo nguli bazira kibi, aye mperaano bazira kya kwegemya.

Ebikolwa by'Abatume 17:30

Katonda tiyafanga ku ebyo abantu bye baakolanga olw'obutamanha bwaibwe, aye mperaano alagira abantu boonaboona ghe bali, beenenie

Amateeka Agokubiri 25:2

Ole ye gusinze bw'anaabanga ng'aiziiza omusango ogumugwaniza okukubwa, omulamuzi aidha kulagiranga bamulambaaze mu maiso ge, memale bamukube emikuzi egisaanira omusango gwe yaiza.

1 Timotheo 1:11

Endhegeresa eyo entuufu, n'eyo ejiira ku Mawulire Amalungi era ag'ekitiisa, aga Katonda asaakibwa, agampeebwa okulangirira.

1 Timotheo 1:13

Eira namuvumanga, naamukiriga, era naamwogeraku bubi, aye yansaasira, kuba ebyo nabikolanga mu butamanha, nga nkaali kumwikiriza.

1 Timotheo 6:20

Timotheo, kuumanga bukalamu bye wagemesebwa. Oteeyimbanga mu mpayo edh'abatatya Katonda, ni mu kutakana ebiziramu, abandi kwe beeta amagezi

Tito 1:3

Era mu kiseera ekituufu yaabutwolekera mu bukwenda bwe. Obukwenda buno bwampeebwa, era Katonda Omulokozi waife yampa ekiragiro mbukobere abantu.

Yakobo 3:1

Aboluganda, muteeyugha ku mulimo gwa kwegeresa, kuba mwidhi nga ife abeegeresa tuja kunhunkuuzibwa inho okusinga abandi nga tusalirwa omusango.