Luka 12:37 - Baibuli Ekibono kya Katonda 2014

³⁷ Abagheereza abo nga ba nkabi, abo musengwa waibwe b'aliira n'ayagaana nga beetegefu. Bwenebwene ka mbakobere: Alyesiba, yaabatyamya ku kiiwulo, yaabita ng'abagheereza.

Luka 12:37 ပူးပေါင်းရင်းမြစ်များ

Isaia 62:5

Ng'omwisuka bw'abayiza omughala omwegha, n'abantu bo batyo bwe baliba ng'oti bakubayiiza. Era ng'omusaadha bw'asagamba olw'omugole y'abayiiza, ni Katonda atyo bw'alisagamba olwa iwe.

Yeremia 32:41

Ndidha kusangaalanga okubakolera ebirungi n'okubaleetera okutyama mu nsi eno nga batereire.

Zefania 3:17

Musengwa Katonda waimwe, ali mu imwe. Oyo n'omulwanirizi abagha obughanguzi. Ku lwaimwe aidha kusagambanga n'eisanhu era olw'okugonza kwe aidha kubagha obulamu obuyaaka. Aidha kwembanga okwoleka nga bw'abasangaaliire,

Matayo 24:42

“Kale ni mumoge, kuba timwidhi kiseera Musengwa waimwe ky'alituukiramu.

Luka 12:36

Mube ng'abagheereza abali kuteegerera musengwa waibwe okwira ng'ava ku kikuudhuko eky'okubayiza nga bw'atuuka n'akonkona ati bamwiguliragho mangu.

Luka 12:43

Yeesiimye omugheereza oyo musengwa we bw'aliidha n'amwagaana ng'akola atyo.

Luka 17:8

Tamukoba bukobe ati, ‘Ntegekera kye nnaalya era ovaale bukalamu ompeereze okutuusa bwe nnaamala okulya n'okunhwa, memale weena olye era onhwe?’

Luka 21:36

Mulingirire inho ebirigho era musabe, musobole okuwona ebyo ebija okubaagho era n'okwemerera mu maiso g'Omwana w'Omuntu.”

Luka 22:27

kuba naani asinga? Atyama ku kiiwulo oba amugheereza? Ti n'atyama ku kiiwulo? Aye nze ndi mu imwe ng'omugheereza.

Yoanne 12:26

Kiisi ayenda okumpeereza annonerezenga. Ghe mba n'omugheereza wange gh'anaabanga. Era Lata alita oyo yeenayeena ampeereza mu kifo eky'ekitiisa.

1 Ab'e Korintho 2:9

Aye nga bwe kyaghandiikibwa: “Katonda kye yategekera abo abamugonza, ghazira muntu yaali akiboineku waire okukiwuliraku, oba eyaali alowooziizaaku nga kisobola okubaagho.”

Ab'e Filippi 1:21

Ku lwange, obulamu ni Kurisito, ate okufa gaba magoba.

Ab'e Filippi 1:23

Endhuyi dhombi dhimpaluza. Aye nga kye nhenda einho, n'okuva mu bulamu buno nje mbe ni Kurisito, kuba ekyo n'ekisingira irala bukalamu.

2 Petero 1:11

aye mulingizibwa n'ekitiisa mu Bwakyabazinga obutawaagho obwa Musengwa waife, era Omulokozi waife Yesu Kurisito.

2 Petero 3:14

Agho ni nga bwe muli kuteegerera ebintu bino bakagwa, mwekalangule mwagaanibwe nga muli miraala, nga muziraku kamyamya oba kamogo koonakoona.

Okwolekebwa 14:13

Naawulira amamiro agava mu igulu nga gakoba gati: Ghandiika oti: “Okuva ni buti ba nkabi abafu abafiira mu Musengwa! Mwoyo akoba ati: Bwenebwene ba nkabi! Okuva ni buti bawuumwire mu kutakabana kwaibwe, kuba ebikolwa byaibwe bibanonereza.”

Okwolekebwa 16:15

“Bona, ndidha kwidha ng'omwibi! Wa nkabi oyo asigala ng'ali kumoga, n'akuuma ebivaalo bye, alobe kutambula madu, na kuswala mu bantu.”

Okwolekebwa 3:21

Oyo aghangula, ndimugha obukumu obw'okutyama ninze ku kityamo kyange eky'obwakyabazinga, nga zeena bwe naghangula ni ntyama ni Lata ku kityamo kye eky'obwakyabazinga.

Okwolekebwa 7:17

Entaama Ento eri ghagati gh'ekityamo ky'obwakyabazinga, enaabalabiriranga ng'omwayi, yaabakulemberamu, okubatuusa ku nsulo edh'amaadhi ag'obulamu. Era Katonda alyeya buli iziga mu maiso gaibwe.”