Luka 12:31 - Baibuli Ekibono kya Katonda 2014

³¹ Imwe mwagale Obwakyabazinga bwe, n'ebyo byona biidha kubagheebwa.

Luka 12:31 ပူးပေါင်းရင်းမြစ်များ

Zabbuli 34:9

Mutye Musengwa Katonda imwe abamusinza, kuba abo abamutya ghazira kye badhulirira.

Zabbuli 37:19

Waire mu biseera ebizibu tibadaagadaaga, endhala bw'egwa beene baba mu mwero.

Zabbuli 37:25

Okuva mu buto, buti nkairiighe, aye tibonangaku nga Musengwa Katonda alekulira agho omutuufu, waire okubona ng'abaana ab'omutuufu basabiriza.

Zabbuli 37:3

Weesige Musengwa Katonda era okole ebirungi, oidha kuba bukalamu mu nsi era ghabule ekikweraliikiriza.

Zabbuli 84:11

kuba Musengwa Katonda oyo n'endhuba etumuliikirira ye tuja era n'atuwonia ng'oti ngabo. Atusaasira era yaatugha ekitiisa. Abo abakola by'ayenda ghazira kirungi ky'abaima.

Isaia 33:16

oyo n'aliba aghalungi, mu kifo eky'okwewogomamu ekigumu einho ng'oti n'olubaale. Aliba n'emere ey'okulya era yaaba n'amaadhi ag'okunhwa aghazira kubulirirwa naire.

Matayo 6:33

Kale ni musookenga kunoonia Bwakyabazinga bwa Katonda n'obutuufu bwe, era byonabyona biribongerwaku.

Luka 10:42

aye ekyetaagisa kiri kirala, Maria n'alonze ekintu ekirungi, ekitaghanga kumutoolebwaku.”

Luka 12:30

kuba ebyo abantu ab'ensi bye basiiba nga baagala aye imwe Lata waimwe aidhi nga mubyenda.

Yoanne 6:27

Mutakolereranga mere ewaagho, aye mukolererenga emere etawaagho, etuusa ku bulamu obutawaagho. Eyo n'emere Omwana w'Omuntu yaalibagha. Kuba oyo Katonda Lata yamutaaku akamanhiso.”

Ab'e Roma 8:31

Kale ebyo tunaabikobaku ki? Katonda bw'aba ku luuyi lwaife, aghanga okutulwanisa naani?

1 Timotheo 4:8

Kuba okumanhiriza omubiri eby'okukola kuganhula katono, aye okutya Katonda kuganhula mu buli nsambo. Kuba kuleeta eisuubi ery'omu bulamu buno, n'ery'obwo obuliidha.

Abaheburayi 13:5

Mulobenga kugonza mpiiya, aye bye muli nabyo bibamalenga. Katonda yakoba ati: “Tirikuvaaku naire era tirikulekulira agho naire.”