Luka 12:23 - Baibuli Ekibono kya Katonda 2014

²³ Obulamu bwa mughendo okusinga emere, era n'omubiri gwa mughendo okusinga ebivaalo.

Luka 12:23 ပူးပေါင်းရင်းမြစ်များ

Amainhama 19:17

Bwe baamala okubafulumya, owundi ku bamalaika yaakoba Loti ati: “Lumuka olobe kufa! Tolinga inhuma, era otayemereraku mu kiiko naire. Lumukira mu nsozi olobe kuzikirizibwa.”

Yobu 1:12

Musengwa Katonda yaakoba Sitaani ati: “Kale, byonabyona by'ali nabyo biri mu buyinza bwo. Aye mwene otamukolaku kabi.” Agho Sitaani yaava mu maiso ga Musengwa Katonda.

Yobu 2:4

Agho Sitaani yairamu Musengwa Katonda ati: “Ekigema ku mubiri gw'omuntu, n'ekimulumya. Omuntu aghaayo by'ali nabyo byonabyona olw'obulamu bwe.

Yobu 2:6

Musengwa Katonda yaakoba Sitaani ati: “Kale, wuuyo ali mu buyinza bwo. Aye mulekere obulamu.”

Ensambo 13:8

Omugaiga aghaayo eby'obugaiga bwe okununula obulamu bwe, aye omwavu ghazira ky'asabibwa kughaayo naire.

Luka 12:22

Agho yaakoba Abeegeresebwa be ati: “Kale ka mbakobere muteraliikiriranga kya kulya, lwa bulamu bwaimwe, oba kya kuvaala olw'emibiri gyaimwe.

Luka 12:24

Kale bw'odhuuba amakoova: Tigasiga waire okukungula, gazira kyagi waire eiterekero ery'ensambo eyindi lyonalyona, ate nga Katonda agafunisa emere. Aye imwe timuli ba mughendo okusinga enhonhi?

Ebikolwa by'Abatume 27:38

Nga bamaze boonaboona okulya ni baiguta, baakendeeza ku buzito mu lyato nga basuula engaano mu nhandha.