Luka 12:20 - Baibuli Ekibono kya Katonda 2014

²⁰ Aye Katonda yaamukoba ati, ‘Musiru iwe! Obwire bwaleero omwoyo gwo guja kukutoolebwaku, olwo ebyo by'otegeike bija kuba by'ani?’

Luka 12:20 ပူးပေါင်းရင်းမြစ်များ

Yobu 27:8

Atatya Katonda kiki ky'asuubirayo, nga Katonda amukomiiza yaamutoolaku obulamu?

Zabbuli 39:6

Buli muntu ali ng'oti kinsense! Atawuka, yaazunga, aye nga byonabyona bya bwereere. Omuntu atakabana okufuna eby'obukombe, aye nga taidhi aja kubitwala.

Zabbuli 49:10

Bwenebwene tubona nga n'abagezi bafa, era nga n'abasiru ghalala n'abadoofu bawaagho, obukombe bwaibwe baabulekera bantu bandi.

Zabbuli 73:19

Tibalwagho naire kuzikirira, kutemya na kuzibula, ng'entiisa ebeeyaagho.

Zabbuli 78:30

Aye amairu gaali gakaali kubawaamu, era nga bakaalya,

Ensambo 10:2

Eby'obukombe ebifunibwa mu kukola ebibi biziramu muganhulo, aye obutuufu buwonia omuntu okufa.

Ensambo 11:4

Ku lunaku Katonda lw'alamuliraku abantu, okuba omukombe kizira kye kiyamba, aye obutuufu buwonia omuntu okufa.

Ensambo 13:7

Ghaligho omuntu eyeebisa ng'oti mukombe, ate nga ghazira kantu k'ali nako; ate owundi yeebisa ng'oti mwavu, ate ng'ali n'ebintu kamaala.

Ensambo 27:1

Oteesuutanga lw'ebyo by'onaakola lwaidho, kuba toidhi lunaku bye lunaakya nabyo.

Ensambo 28:8

Omuntu afuuka omukombe ng'aseera afune amagoba, obukombe bwe bulija y'oyo agemerwa abaavu ekivunika.

Isaia 56:12

Bakobagana bati, ‘Mwidhe tufuneyo ku mwenge ogw'emizabbibu tunhweku. Ka twerenge ebitamiiza, n'olwaidho lwona lwidha kuba ng'oti n'olwaleero, era n'okulusingaku.’ ”

Yeremia 17:11

Omuntu afuna eby'obukombe mu bukupankupania, aba ng'oti n'enhonhi egonera amagi g'etaabiika; kuba eby'obukombe ebyo bimuwaaku mangu ng'akaali na kukairigha, olwo ku nkomerero ya byonabyona yaasigala agho nga musiru.

Amosi 6:13

Mweyagala mbu kuba mwagema ekibuga Lodebari, era mwesuuta nga mukoba muti: “Titwaghamba kibuga Karanaimu na maani gaife beene?”

Nahumu 1:10

Waire muli ng'oti n'amawa amakaadaanie, era mwaba ng'oti n'abanhwi b'omwenge abatamiire, muja kusaanagho ng'eisubi eikalu bwe limamuka n'omuliro.

Luka 11:40

Abasiru imwe, eyakola ku ngulu ti n'eyakola ni munda?

1 Ab'e Thessalonika 5:3

Abantu balikoba bati: “Ghaligho emiraala era ghazira kabi,” aye balija okubona bati ng'okuzikirira kubatuuseeku. Kulibazindula ng'oti n'ebisa eby'omwana bwe bizindula omukazi ali kumpi okuzaala, era tighaliba gha kuwonera.

1 Timotheo 6:17

Labula abakombe ab'oku nsi kuno, balobe kweghanika, waire okwesiga obukombe obutali bwa lubeerera, aye beesige Katonda atugha byonabyona ebitusangaaza.

1 Timotheo 6:7

Kuba mu nsi muno twaidhamu bakaya, era tulivaamu bakaya.

Yakobo 4:14

ng'ate timwidhi bya nkyo. Aye obulamu bwaimwe mwidhi bwe buli? Buli ng'oti lufu bufu olubaaghooku akaseera obuseera ate ni luwaagho.