Luka 12:19 - Baibuli Ekibono kya Katonda 2014

¹⁹ Era olwo nkobe omwoyo gwange nti: Mwoyo gwange, ofunie ebirungi kamaala, wuumula, olye, onhwe osagambe.’

Luka 12:19 ပူးပေါင်းရင်းမြစ်များ

Yobu 14:1

“Buli muntu azaalibwa mukazi, era obulamu bwe buba bumpi ate nga bwidhwire bizibu.

Zabbuli 49:18

Waire nga yeebala okuba ow'enkabi ng'akaali mulamu, era waire ng'asaakibwa olw'ebintu okumujiira obukalamu,

Zabbuli 62:10

Oteesiganga bikolwa bya bukambwe; otasuubiriranga mu kukambula. Eby'obukombe bwebyeyongeranga otabitangaku mwoyo gwo.

Ensambo 10:2

Eby'obukombe ebifunibwa mu kukola ebibi biziramu muganhulo, aye obutuufu buwonia omuntu okufa.

Ensambo 14:24

Amagezi galeetera abagezi okuba abakombe, aye abasiru basirughala busirughale.

Ensambo 18:11

Aye omukombe alowooza ati eby'obukombe by'aba nabyo n'ebimukuuma, era ati eby'obukombe ebyo n'ekimante ekigumu ekimwezungulwire okumuwonia abazigu.

Ensambo 23:5

Kuba obukombe osobola okububona oti, aye bwavaagho mangu bwaba ng'oti bumeze maghagha, bwagulukagho ng'oti n'enkookooma bw'egulukira ghaigulu n'ebulagho.

Ensambo 27:1

Oteesuutanga lw'ebyo by'onaakola lwaidho, kuba toidhi lunaku bye lunaakya nabyo.

Omulangirizi 11:9

Iwe omwisuka, sagambira mu bwisuka bwo era weeyagale ng'okaali mwisuka. Kolanga ebyo by'oyenda, era weetuusengaku ebyo omwoyo gwo bye gwegomba. Aye manha nti Katonda aja kukusalira omusango olw'ebyo byonabyona.

Omulangirizi 2:24

Omuntu kye yandikoze ekisinga, kyandibaire kulya, na kunhwa, na kweyagalira mu ebyo by'aba afunie mu kufaabiikana kwe. Aye ekyo kyona nabona nga kiri mu buyinza bwa Katonda

Isaia 22:13

Aye mu kifo ky'okukola mutyo, imwe mwaira bwa mu masanhu na kusagamba, mwaita ente n'entaama, mwalya emamba era mwanhwa n'omwenge. Eno nga mukoba muti: “Ka tunhwe era tulye, kuba enkyo tuja kwefiira.”

Isaia 5:11

Bakagwireku abo abawuuna ku nkyo okunoonia eby'okunhwa ebitamiiza, ni banhwa omwenge okuzibya obwire okutuusa lwe gubatamiiza.

Isaia 5:8

Mukagwireku imwe abagula endhu nga mwongereza ku dhe muli nadho, ni mugula n'enimiro okwongereza ku dhe muli nadho, okutuusa nga ghazira ghe mutaguze, olwo ensi mugibeemu mwenka.

Isaia 56:12

Bakobagana bati, ‘Mwidhe tufuneyo ku mwenge ogw'emizabbibu tunhweku. Ka twerenge ebitamiiza, n'olwaidho lwona lwidha kuba ng'oti n'olwaleero, era n'okulusingaku.’ ”

Hosea 12:8

Bakoba bati, ‘Tuli bakombe, era ebintu ebingi bye tuli nabyo, ghazira asobola kutulumiriza ati twabifuna mu kukupankupania.’

Amosi 6:13

Mweyagala mbu kuba mwagema ekibuga Lodebari, era mwesuuta nga mukoba muti: “Titwaghamba kibuga Karanaimu na maani gaife beene?”

Habakkuku 1:16

Era baaghaayo n'emisengo eri obutimba bwaibwe obutono, baaniokeza obutimba bwaibwe obunene obubbaani; kuba ebyo n'ebibafunisa ebirungi mu bulamu era ni balya emere esinga bulungi.

Luka 12:18

Yaakoba ati, ‘Kino kye nja okukola: ndidha kumenhagho ebyagi byange nzimbe ebisinga bino obunene, ntereke omwo emere yange n'eby'obukombe byange.

Luka 16:19

“Ghaaligho omusaadha omukombe eyavaalanga ebivaalo bya nakasooma nga byakolebwa mu ngoye mpegheevu, era nga buli lunaku yabanga oti ali ku mbaga.

Luka 21:34

“Mwekuume, ti kulwa nga mwemalira bwa mu binhumo, kutamiira na kweraliikirira bya bulamu buno, olunaku lule lwabagwaku nga timwidhi.

1 Ab'e Korintho 15:32

Nganhulwamu ki ng'omuntu obuntu, bwe nwana n'ebisolo ebikambwe ghano mu Efeso? Aye oba nga abafu tibazuukira “leka tulye era tunhwe, kuba enkyo tuja kufa”, ng'abandi bwe bakoba.

Ab'e Filippi 3:19

Ekirisembayo eky'abantu abo kuliba kuzikirira, kuba katonda ye basinza, n'enda dhaibwe. Beesaaka olw'ebyo ebyandibaswaziiza era balowooza bya ku nsi kuno byonka.

1 Timotheo 5:6

Aye namwandu oyo ajiira ku by'amasanhu aba mufu, waire aba ng'akaatambula.

1 Timotheo 6:17

Labula abakombe ab'oku nsi kuno, balobe kweghanika, waire okwesiga obukombe obutali bwa lubeerera, aye beesige Katonda atugha byonabyona ebitusangaaza.

2 Timotheo 3:4

abateesigika, abagwidhubana, abaghaganhala olw'okwebona nga ba ghaigulu, abagonza eby'amasanhu mu kifo ky'okugonza Katonda,

Yakobo 5:5

Ku nsi kuno mubaire mu bulamu obw'okudiibuula n'okwesanhusa. Mugeedheire olunaku lule olw'okwitibwa.

1 Petero 4:3

Mu biseera ebyabita mwali n'obwire obumala okukola ebyo abantu ab'ensi bye benda. Mwemaliranga mu bwenzi, mu bukaba, mu butamiivu, mu kuja ku bibinuko ebibi, ni mu kusinza ebintu ebitali Katonda ebyenhinhalwa.

Okwolekebwa 18:7

Ye yakomya okwesaaka n'okwedhalabya, mwena ye mube mukomye okumudaaza n'okumuliza enaku; kuba yeesuuta mu mwoyo ati: ‘Ninze kyabazinga omukazi, tiri namwandu, era tirimanha bughafu naire.’

1 Samueli 30:16

Omwisuka Omumisiri oyo yaatwala Daudi eri abanhazi abo. Baabaagaana nga basansaaniire agho woonawoona, nga bali kulya, bali kunhwa, era nga bali kukina. Baali mu kusagamba olw'omunhago omungi gwe baatoola mu nsi Bufilisiti ni Buyudaaya.