Luka 12:17 - Baibuli Ekibono kya Katonda 2014

¹⁷ Kyeyava mule ni yeebuuza ati, ‘Nkole ntya, nga nzira ghe nsololeza birime byange?’

Luka 12:17 ပူးပေါင်းရင်းမြစ်များ

Omulangirizi 11:2

Ebintu byo obigabirangaku abantu abagheraku, ng'oti musanvu oba munaana, kuba tosobola kumanha kizibu kija kukugwira ku nsi kuno.

Isaia 58:7

Abo abali endhala mubaghenga ku mere yaimwe, n'abaavu abazira maka mubaingizenga mu maka gaimwe. Abo ababita amadu mubaghenga eby'okuvaala, era mutalobanga kuyamba bantu babaliku luganda.

Matayo 16:7

Aye baatoolera okwebuuzagania beene na beene nga bakoba bati: “Kuba tituleese migaati?”

Matayo 5:42

Oyo akusabanga omughanga, era n'oyo ayenda okukweyazikwaku omughanga.

Luka 10:25

Ghaabaagho Omunamateeka yaasituka yaaleba Yesu ng'akoba ati: “Mwegeresa, nkole ki okufuna obulamu obutawaagho?”

Luka 11:41

Ebiri munda mubigabirenga abaavu, era agho byonabyona lwe binaabanga ebirongoofu.

Luka 12:16

Agho yaabakobera olufumo luno ati: “Ghaaligho omuntu omukombe eyali n'enimiro edhaayama einho.

Luka 12:18

Yaakoba ati, ‘Kino kye nja okukola: ndidha kumenhagho ebyagi byange nzimbe ebisinga bino obunene, ntereke omwo emere yange n'eby'obukombe byange.

Luka 12:22

Agho yaakoba Abeegeresebwa be ati: “Kale ka mbakobere muteraliikiriranga kya kulya, lwa bulamu bwaimwe, oba kya kuvaala olw'emibiri gyaimwe.

Luka 12:29

Imwe muteemalira ku kwagala kye munaalya ni kye munaanhwa waire okweraliikirira mu bidhuubo

Luka 12:33

Mutunde ebyaimwe, mugabire abaavu, mwetungire ensawo edhitakairigha mufune n'obukombe obutawaagho mu igulu omwibi y'atatuuka waire ensiiriri okubwonoona.

Luka 16:3

Omughanika yaakoba mule ati, ‘Nkole ki? Musengwa wange aja kuntoola ku bughanika. Okulima tikusobola, ate okusabiriza kungemya ensoni.

Luka 16:9

“Era ka mbakobere: Mwefunire emikwano mu bukombe buno obw'ensi, kuba ni bwe buliwaagho, balibasangaalira mu bulamu obw'ebyanda n'ebyanda.

Luka 18:22

Yesu bwe yawulira ekyo yaamukoba ati: “Okaabuzaayo ekintu kirala. Ja otoole by'oli nabyo byonabyona ogabire abaavu, eby'obukombe oliba nabyo mu igulu era oidhe obitenga ninze.”

Luka 19:17

Yaamukoba ati, ‘Weekaza omugheereza omulungi! Olw'okuba wali mwesigwa mu bitono, oidha kufuga ebibuga ikumi.’

Luka 3:11

Yaabairamu ati: “Ali n'ebivaalo ebibiri agheeku azira, n'oyo ali n'emere yeena akole n'ekirala.”

Ebikolwa by'Abatume 16:30

Yaabafulumya ku luya yaababuuza ati: “Baisebo nteekwa kukola ki okughanga okulokolebwa?”

Ebikolwa by'Abatume 2:37

Ebyo bye baawulira byabafumita ku myoyo, baakoba Petero n'Abatume abandi bati: “Baganda baife, tukole ki?”

Ab'e Roma 12:13

Mutoolenga ku byaimwe mughenga abantu ba Katonda. Musangaalirenga abageni.

1 Timotheo 6:17

Labula abakombe ab'oku nsi kuno, balobe kweghanika, waire okwesiga obukombe obutali bwa lubeerera, aye beesige Katonda atugha byonabyona ebitusangaaza.

1 Yoanne 3:16

Ku kino kwe tumanhira okugonza. Nga Kurisito bwe yaghaayo obulamu bwe ku lwaife, twena tugwaine okughaayo obulamu bwaife ku lwa baganda baife.