Luka 12:14 - Baibuli Ekibono kya Katonda 2014

¹⁴ Aye Yesu yaamukoba ati: “Musaadha iwe, naani eyantaagho okubatawulula n'okubagabania ebyaimwe?”

Luka 12:14 ပူးပေါင်းရင်းမြစ်များ

Okuvaayo 2:14

Ole yaamwiramu ati: “Koodhi naani eyakufuula omufuzi era omulamuzi waife? Oli kwenda kundhita ng'oti ni bwewaise Omumisiri idho?” Agho Musa yaatya inho ng'akoba mule ati: “Bwenebwene kye nakoze idho kyamanhiibwa.”

Mika 6:8

Busa, Musengwa Katonda yatukobera ekikalamu kye tube tukole, era ni kino: Ayenda tukolenga ebintu mu butuufu, twolekenga okugonza okutakoma, era tumusinzenga nga tuli bawombeefu.

Luka 12:13

Agho ghaabaagho mulala ku bantu abaaligho yaamukoba ati: “Mwegeresa, koba muganda wange angabanie ku by'obusika bwaife.”

Luka 22:58

Ghaabitagho akaseera katono omuntu owundi yaamukoba ati: “Iwe weena oli mulala ku bale.” Aye Petero yeegaana ati: “Musaadha iwe nze tiri.”

Luka 5:20

Yesu bwe yabona okwikiriza kwaibwe yaakoba ati: “Musaadha iwe, osoniyiibwa ebibi byo.”

Yoanne 6:15

Yesu yaamanha ati baali bali kumpi okumugema bya ntaka bamufuule Kyabazinga. Yaavaagho kabiri yaaja eyo mu nsozi yenka.

Yoanne 8:11

Omukazi yairamu ati: “Musengwa, ghazira.” Yesu yairamu ati: “Zeena ni tigukusalire. Golola, aye toirangayo kukola kibi.”]

Ab'e Roma 2:1

Kale mukagwa wange asalira abandi omusango, ni bw'oba ani ozira kya kwegemya, kuba bw'okola ebintu ng'oti n'abandi bye bakola, weesingisa mwene omusango.

Ab'e Roma 2:3

Kale iwe mukagwa wange asalira abakola ebintu ebyo omusango, aye n'okola ebintu ebifaanana ng'oti n'ebyo bye bakola, odhuuba nga oliwunuka Katonda okukusalira omusango okukusinga?

Ab'e Roma 9:20

Aye iwe omuntu niiwe ani atakania Katonda? Ekiwumbe kisobola okukoba eyakiwumba kiti: “Lwaki wampumba oti?”