Luka 11:48 - Baibuli Ekibono kya Katonda 2014

⁴⁸ Kale mutyo mwakakalisa irala era mwaghagira ebikolwa bya badhaadha baimwe kuba abo baabaita ate imwe mwazimba amagombe gaibwe.

Luka 11:48 ပူးပေါင်းရင်းမြစ်များ

2 Ebyomubyanda 36:16

Aye baayeeyereza abakwenda ba Katonda baanhooma bye yabakoba, era baasekerera abalanzi be, okutuusa lwe baaleetera Musengwa Katonda oyo okubasungughalira ekibitiriire, nga tibakaasobola kuwona.

Yobu 15:6

Omunwa gwo gwene n'ogukusalira omusango okukusinga, se ti ninze. By'oyogera byene n'ebikulumiriza.

Zabbuli 64:8

Aja kubazikiriza olw'ebibono byaibwe bye boogera. Boonaboona abalikibona baja kutengeesa emitwe nga beewuunhia.

Ezekieli 18:19

“Aye musobola okwebuuza muti, ‘Lwaki omwana tibamuvunaana bibi ise bye yakola?’ Eky'okwiramu kiri nti omwana bw'aba nga yakola ebituufu ebigwaniire ng'ajiira ku mateeka, era nga yali mwegendereza okukuuma ebiragiro byange, aliba mulamu.

Matayo 23:27

“Mukagwireku Abanamateeka n'Abafarisaayo, abakuusa imwe, kuba mufaanana ng'amagombe ge basiizeeku langi endheru obulungi, nga gaboneka bulungi ku ngulu, aye nga munda gaidhwire magumba ga bafu na buli kivundu kyonakyona.

Matayo 23:31

Kale mutyo beene mwakakasa muti muli baana b'abo abaita abalanzi.

Luka 11:47

Mukagwireku! Kuba muzimba amagombe ag'abalanzi ate nga badhaadha baimwe n'abaabaita.

Luka 11:49

Ni mu Magezi ga Katonda kikoba kiti, ‘Abandi balibakiriga n'abandi balibaita.’

Ab'e Roma 1:32

Waire nga baidhi nga eiteeka lya Katonda likoba liti abo abakola ebyo bagwaniire kufa, aye babikola. Ate tibakoma ku kubikola, kyonka aye basiima n'abo ababikola.

Yakobo 5:10

Aboluganda, mubonere ku balanzi abaayogeranga mu liina lya Musengwa, abaadaazibwadaazibwa era ni baguminkiriza.

Yoshua 24:22

Yoshua yaabakoba ati: “Oba nga beene musazeegho okugheereza Musengwa Katonda, imwe beene niimwe abadhulizi b'ekyo kye musazeegho.” Abantu baamwiramu bati: “Yii, bwenebwene tuli badhulizi baakyo.”