Luka 11:45 - Baibuli Ekibono kya Katonda 2014

⁴⁵ Agho mulala ku Banamateeka yaamukoba ati: “Mwegeresa, bw'okoba otyo, twena oba otuvumye.”

Luka 11:45 ပူးပေါင်းရင်းမြစ်များ

1 Bakyabazinga 22:8

Kyabazinga wa Isiraeli yaakoba Yehoshafati ati: “Ghakaaligho omuntu ye tusobola okubitamu okwebuuzaaku ku Musengwa Katonda. Oyo ni Mikaia, mutabane wa Imula. Aye timwenda naire, kuba talangangaku bikalamu ku nze, okutoolaku ebibi.” Yehoshafati yaakoba ati: “Kyabazinga, otakoba otyo.”

Yeremia 20:8

Buli lwe ndhogera nkaabuka bukaabuke, nalangirira nti: “Ebikolwa eby'obukambwe n'okuzikirira biri kwidha!” Wo Musengwa Katonda, abantu banvuma era bandheeyereza olw'okulangirira obukwenda bwo.

Yeremia 6:10

Nze nairamu nti: “Ni baani be nnaayogera nabo ni bampulirisa mbalabule? Baakalangusa emyoyo gyaibwe, tibenda kuwulira by'okoba. Obukwenda bw'ontuma okubakobera babusekerera, baaloba kubusanhukira naire.

Matayo 22:35

Era mulala ku abo, nga Munamateeka, yaamubuuza ng'amuleba ati:

Luka 11:46

Yesu yaakoba ati: “N'imwe mwena Abeegeresa b'Amateeka mukagwireku! Kuba mutwika abantu emigugu emizibu okwetwika, ate nga imwe beene timughanga kubagemeraku naire.

Luka 11:52

“Mukagwireku imwe Abeegeresa b'Amateeka, kuba mwatoolagho ekisumuluzo eky'okumanha! Imwe beene timwangira ate mwalobera n'abandingiire.”

Luka 7:30

Aye Abafarisaayo n'Abanamateeka baaloba amagezi ga Katonda, era tiyababatiza.

Yoanne 7:48

Mwali muwuliireyooku Omuyudaaya omukulu oba Omufarisaayo amwikiriza?

Yoanne 7:7

Ensi tesobola kubakyagha, aye nze enkyagha, kuba mpa obudhulizi ku bikolwa byayo ebibi.

Yoanne 9:40

Abandi ku Bafarisaayo abaali agho naye, bwe baawulira ekyo baamukoba bati: “Otakoba oti ife tuli batulu?”