Luka 11:41 - Baibuli Ekibono kya Katonda 2014

⁴¹ Ebiri munda mubigabirenga abaavu, era agho byonabyona lwe binaabanga ebirongoofu.

Luka 11:41 ပူးပေါင်းရင်းမြစ်များ

Zabbuli 112:9

Agabira abaavu na mwoyo mulala, era ekisa kye tikimuwaaku, aidha kusiimibwanga Katonda era agheebwenga ekitiibwa ebyanda n'ebyanda.

Zabbuli 41:1

Wa nkabi oyo afaayo ku baavu, Musengwa Katonda aidha kumutoolanga mu bizibu, ng'ali mu biseera ebizibu.

Ensambo 14:31

Omuntu atuntuza omwavu aba ali kuvuma Katonda eyamutonda, aye ole agemerwa omuntu ali mu bwetaavu ekivunika aba atya Katonda.

Ensambo 16:6

Musengwa Katonda atoola ebibi ku muntu omuwulize era omwesigwa, era yaawonia omuntu amutya, okukola ebibi.

Ensambo 19:17

Agemerwa omwavu ekivunika aba ng'oti awoze Musengwa Katonda, era Musengwa Katonda oyo aja kumusasula olw'ekikolwa kye ekyo.

Danieli 4:27

Agho ni, Isebantu kyabazinga, ganha amagezi ge nja okukugha: Lekera okukola ebibi okole ebituufu, era olekere okwonoona oyoleke okusaasira eri abo abanhigirizibwa. Oba katyo, olwo ebintu binaakujiiranga bukalamu.”

Matayo 26:11

kuba abaavu muli nabo buliidho, aye nze timwidha kuba ninze buliidho.

Matayo 5:42

Oyo akusabanga omughanga, era n'oyo ayenda okukweyazikwaku omughanga.

Mariko 7:19

Kuba tikingira mu mwoyo gwe, aye kija mu nda, ate era yaakifulumya.” Mu ngeri eno yaakakasa ati emere yoonayoona nungi.

Luka 12:33

Mutunde ebyaimwe, mugabire abaavu, mwetungire ensawo edhitakairigha mufune n'obukombe obutawaagho mu igulu omwibi y'atatuuka waire ensiiriri okubwonoona.

Luka 16:9

“Era ka mbakobere: Mwefunire emikwano mu bukombe buno obw'ensi, kuba ni bwe buliwaagho, balibasangaalira mu bulamu obw'ebyanda n'ebyanda.

Luka 18:22

Yesu bwe yawulira ekyo yaamukoba ati: “Okaabuzaayo ekintu kirala. Ja otoole by'oli nabyo byonabyona ogabire abaavu, eby'obukombe oliba nabyo mu igulu era oidhe obitenga ninze.”

Luka 19:8

Agho Zakkayo yaayemerera yaakoba Musengwa ati: “Musengwa, ndidha kwawulamu ghagati ebintu byange, ekitundu ekindi nkigabire abaavu era oba nga ghaligho omuntu yeenayeena ye nakupankupaniaku ekikye kyonakyona, ndidha kukimuliyira emikuzi ena.”

Ebikolwa by'Abatume 10:15

Eiroboozi lyamukoba kabiri liti: “Katonda kye yalongoosa tokyetanga kya muziro.”

Ebikolwa by'Abatume 11:29

Aboluganda baasalagho kiisi muntu agheeyo nga bw'aghanga olw'okulumuukirira aboluganda abaali mu Buyudaaya.

Ebikolwa by'Abatume 24:17

“Nga ghabiseeghooku emyaka, naidha okuleetera ab'omu ighanga lyange obuyambi n'okughaayo ebirabo.

2 Ab'e Korintho 8:12

Kuba omuntu ayenda okugaba, asiimibwa Katonda olw'okugaba ekyo ky'ali nakyo se ti ekyo ky'azira.

Ab'Efeso 4:28

Abaire aiba akange agho, aye afube kukola ng'akozesa emikono gye asobole n'okugabiraku abaavu.

Tito 1:15

Eri abantu abaamufu, ebintu byonabyona biba byamufu. Aye eri abo abatali baamufu era abataikiriza, tighaba kyamufu. Kuba ebirowoozo byaibwe, n'emyoyo gyaibwe, byayonooneka.

Abaheburayi 13:16

Timwerabiranga kukola bukalamu n'okubeeragana kuba egyo n'emisengo Katonda gy'asiima.

Abaheburayi 6:10

Kuba Katonda ti n'omubi einho okusobola okwerabira omulimo gwe mwakola, n'okugonza kwe mwayoleka mu buyambi bwe mwagha, era bwe mukaagha abatuukirivu ni ye buli eno.

Yakobo 1:27

Okwikiriza okutuufu era okuziramu buguya mu maiso ga Katonda Lata ni kuno: okulabirira bamulekwa, ni banamwandu, n'okwekuuma obutoonoonebwa nsi eno.