Luka 11:40 - Baibuli Ekibono kya Katonda 2014

⁴⁰ Abasiru imwe, eyakola ku ngulu ti n'eyakola ni munda?

Luka 11:40 ပူးပေါင်းရင်းမြစ်များ

Amainhama 1:26

Agho Katonda yaakoba ati: “Tukole abantu mu mboneka yaife nga bafaanana ng'oti niife, bafugenga ebyenhandha, n'enhonhi, n'ensolo enfuge n'edh'omu nsiko, era na kiisi kyeghaluliza ku itaka.”

Amainhama 2:7

Agho Musengwa Katonda yaawumba omuntu mu itaka, yaamufuuwa mu nhindo omuuka ogw'obulamu olwo omuntu yaatoolera okuba omulamu.

Zabbuli 14:1

Abasiru bakoba mu myoyo gyaibwe bati: “Katonda azirayo.” Baidhwire obukupya, bakola ebyenhinhasa era boonaboona bakola bikyamu byereere.

Zabbuli 33:15

Oyo eyawumba emyoyo gy'abantu boonaboona, ategeera byonabyona bye gikola.

Ensambo 1:22

“Imwe abazira kye mwidhi, mulirekera li okugonza okubanga obwagho nga muzira kye mwidhi? Imwe abanhoomi, mulirekera li okusangaalira obunhoomi bwaimwe obwo? Era imwe abasiru mulirekera li okukyagha okumanha?

Ensambo 8:5

Imwe abazira kye mwidhi, mwege okumanha ekigwaine okukolebwa; imwe abasiru, mwege okutegeera.

Yeremia 5:21

Muwulire kino imwe abantu abasiru era abatategeera. Muli n'amaiso aye timubona, era muli n'amatu aye timuwulira.

Zekaria 12:1

Buno n'obukwenda bwa Musengwa Katonda obugema ku Isiraeli. Musengwa Katonda oyo n'eyabambagho eigulu, yaatonda n'ensi, era yaagha abantu obulamu. Era akoba ati:

Okubala 16:22

Aye Musa ni Aaroni baakutama n'ebyeni byatuuka ku itaka, baakoba bati: “Wo Katonda waife, niiwe ensimuko ey'obulamu obwa buli kintu. Omuntu omulala bw'akola ekibi osungughalira abantu boonaboona?”

Matayo 23:17

Muli basiru ate abatulu einho. Kiki ekisinga, zaabu oba eisinzizo eritukuza zaabu?

Matayo 23:26

Mufarisaayo iwe omutulu, sooka onaaze munda mu kikopo, memale onhirize ni ku ngulu.

Luka 12:20

Aye Katonda yaamukoba ati, ‘Musiru iwe! Obwire bwaleero omwoyo gwo guja kukutoolebwaku, olwo ebyo by'otegeike bija kuba by'ani?’

Luka 24:25

Agho yaabakoba ati: “Ye bano abasirusiru, ab'emyoyo egirwa okwikiriza abalanzi bye boogera!

1 Ab'e Korintho 15:36

Musiru iwe! Mu kusiga, ensigo y'osiga emala kufa memale yaamera.

Abaheburayi 12:9

Ekyo nga kiri agho, twali ni balata baife mu mubiri abaatukangaivulanga era twabatangamu ekitiisa. Kale titugwaine kugondera Lata waife mu mwoyo kusingagho inho tube abalamu?