Luka 11:39 - Baibuli Ekibono kya Katonda 2014

³⁹ Aye Musengwa yaamukoba ati: “Imwe Abafarisaayo, muja mwatukuza ku ngulu okw'ekikopo n'esowaani ate nga munda mwaimwe mwidhwire obukambuzi n'obubi.

Luka 11:39 ပူးပေါင်းရင်းမြစ်များ

Amainhama 6:5

Musengwa Katonda yaabona ng'omuntu ku nsi afuuse mubi inho era ng'ebidhuubo bye bibi ekiseera kyonakyona.

2 Ebyomubyanda 25:2

Amazia yakolanga ebituufu Musengwa Katonda by'asiima, aye nga tabikola na mwoyo mulala.

Zabbuli 22:13

Baasaamiriiza eminwa, bali ng'oti mpologoma eyeeruga ng'ate bw'ewologoma.

Ensambo 26:23

Ebibono ebiwoomerera, omuntu by'ayogera ni bigisa omwoyo omubi gw'ali nagwo, biri ng'oti kiwumbe kya itosi butosi kye baasiigaku feeza.

Ensambo 26:25

Aye ni bw'ayogera ebibono ebiwooma bitya, otamwikirizanga, kuba mu mwoyo gwe mwidhwire ebintu kamaala ebyenhinhalwa.

Ensambo 30:12

Ghaligho abeerowooza okuba abalongoofu, aye nga baidhwire bibi.

Yeremia 4:14

Imwe ab'e Yerusalemu, munaaze emyoyo gyaimwe mugimalemu ebibi, memale mulokolebwe. Mulituusa li okubanga n'ebirowoozo ebibi mu myoyo gyaimwe?

Ezekieli 22:25

Abakulembeze baamu bali ng'oti mpologoma ewologoma, n'ekankanula ky'egemye. Baita abantu, baanhaga empiiya n'eby'obukombe, era baaleka abakazi kamaala nga bafuuse banamwandu.

Ezekieli 22:27

Abakulembeze baamu bali ng'oti misege egikankanula kye gigemye. Baita abantu baabazikiriza, basobole okutwala ebintu byaibwe, bakombaghale.

Zefania 3:3

Abakungu mu kibuga omwo bali oti mpologoma edhiwologoma. Abalamuzi baamu baaba ng'oti n'emisege egiyiiga eigulo nga giri ndhala inho, ni gitalekaagho kagumba kusigala kubonebwaku nga bukyeire.

Matayo 15:19

kuba ku mwoyo n'okuva ebidhuubo ebibi, obutemo, okwenda, okwemadula, obwibi, okughaayiriza, n'okuvuma Katonda.

Matayo 7:15

“Mwekuume abalanzi abaguya, abo abaidha ye muli nga beefuula bawolu oti ntaama, ate nga munda n'emisege emiswankuzi.

Luka 16:15

Aye yaabakoba ati: “Niimwe abeerongoosa mu maiso ag'abantu aye Katonda aidhi emyoyo gyaimwe kuba abantu kye basuuta, Katonda akyenhinhala.

Luka 7:13

Musengwa bwe yamubona yaamusaasira, yaamukoba ati: “Otalira.”

Luka 7:19

Agho Yoanne yaayeta babiri ku beegeresebwa be, yaabatuma ye Musengwa okubuuza bati: “Niiwe ow'okwidha oba tusuubireyo owundi?”

Yoanne 12:6

Aye yakoba atyo, ti kuba nga yali afaayo inho ku baavu, aye lwa kuba yali mwibi. Ate era ng'omukuumi w'endyanga, yatwalanga empiiya edhaateebwangamu.

Yoanne 13:2

Yesu n'Abeegeresebwa be baali balya ekyeigulo, era Sitaani yali amaze okuta mu mwoyo gwa Yuda Isikarioti mutabane wa Simoni ekidhuubo eky'okulya mu Yesu olukwe.

Ebikolwa by'Abatume 5:3

Aye Petero yaakoba ati: “Lwaki oganhie Sitaani okukufuga waasubagha Mwoyo Mutukuvu, waasigaza ekitundu ku by'otunze mu kibandha kyo?

Ab'e Galatia 1:14

Bayudaaya banange bwe twaisuka, nabaswikirira inho mu kugema empisa edh'endhikiriza ey'Ekiyudaaya, era ni mu kwekalangulira ku mpisa dha badhaadha baife.

2 Timotheo 3:5

abeeyeta Abakurisito aye nga tibenda Bukurisito kubafuga. Weesambenga abantu ng'oti n'abo.

Tito 1:15

Eri abantu abaamufu, ebintu byonabyona biba byamufu. Aye eri abo abatali baamufu era abataikiriza, tighaba kyamufu. Kuba ebirowoozo byaibwe, n'emyoyo gyaibwe, byayonooneka.

Yakobo 4:8

Museete kumpi ni Katonda, yeena aidha kuseeta kumpi n'imwe. Munaabe mu ngalo dhaimwe mwetukuze imwe abakozi b'ebibi. Mutukuze emyoyo gyaimwe imwe abaguya.